Pressan

Finnskur raðmorðingi handtekinn – Kyrkti fórnarlömb sín – Það yngsta aðeins 12 ára

Kristján Kristjánsson
Fimmtudaginn 10. maí 2018 06:02

Michael Maria Penttilä

Finnski raðmorðinginn Michael Maria Penttilä, 52 ára, hefur verið úrskurðaður í gæsluvarðhald grunaður um morð. Hann á langan sakaferil að baka og hefur hlotið dóma fyrir þrjú morð og margar morðtilraunir. Það er sammerkt í flestum málunum að hann kyrkti fórnarlömbin eða reyndi að kyrkja þau en öll fórnarlömbin voru kvenkyns. Sú yngsta var aðeins 12 ára gömul.

Að þessu sinni er Penttilä grunaður um að hafa myrt 52 ára konu í íbúð hennar í Berghäll í Helsinki þann 13. apríl. Lík hennar fannst 4. maí. Yle.fi greinir frá þessu. Fram kemur að rannsókn lögreglunnar hafi leitt í ljós að morðið hafi verið vel skipulagt.

Samkvæmt frétt Ilta-Sanomat fannst lík konunnar eftir að nágrannar hennar kvörtuðu undan slæmri lykt í stigaganginum.

Penttilä var handtekinn á heimili sínu í Brobacka í norðurhluta Helsinki þann 6. maí. Lögreglan segir að Penttilä neiti sök.

Langur sakaferill

Penttilä fæddist í Uleåborg 1965 og hét þá Jukka Torsten Lindholm. Hann var fyrst dæmdur í fangelsi 1985 en þá hlaut hann dóm fyrir að hafa myrt móður sína en hann kyrkti hana. Hann hefur hlotið marga dóma fyrir misþyrmingar og ofbeldisverk gegn konum.

Hann hefur einnig hlotið dóma fyrir að hafa myrt 12 ára stúlku og 42 ára konu. Hann myrti þær báðar eftir að hafa boðið þeim heim til sín.

Öll morðin framdi hann með því að kyrkja fórnarlömbin. Hann var með leðurhanska þegar hann kyrkti konurnar og stúlkuna. Hann hefur einnig reynt að myrða fleiri konur en ekki tekist.

Að beiðni finnskra yfirvalda gerði bandaríska alríkislögreglan FBI persónugreiningu á Penttilä. Niðurstaðan var að hann sé mjög hættulegur raðmorðingi og eigi alls ekki að ganga laus.

Þrátt fyrir þetta var hann látinn laus úr fangelsi í desember 2016 en þá hafði hann afplánað nýjasta dóminn en hann hlaut hann fyrir að hafa ætlað að myrða 17 ára stúlku, nágranna hans, með því að kyrkja hana. Hann hafði ekki verið frjáls lengi þegar hann hófst handa við skipulagningu morðs. Það taldi lögreglan að minnsta kosti og var hann ákærður fyrir það en sýknaður vegna skorts á sönnunargögnum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Átta manna fjölskylda var myrt á kerfisbundin hátt árið 2016: Nú hafa fjórir úr annarri fjölskyldu verið handteknir

Átta manna fjölskylda var myrt á kerfisbundin hátt árið 2016: Nú hafa fjórir úr annarri fjölskyldu verið handteknir
Pressan
Í gær

Vantar þig íbúð? Hér er offramboð af húsnæði

Vantar þig íbúð? Hér er offramboð af húsnæði
Fyrir 2 dögum

Spáð sumarblíðu um næstu helgi á rjúpunni

Spáð sumarblíðu um næstu helgi á rjúpunni
Pressan
Fyrir 2 dögum

Leynileg skjöl sýna hversu hræðilegar afleiðingar sólstormar geta haft á jörðinni

Leynileg skjöl sýna hversu hræðilegar afleiðingar sólstormar geta haft á jörðinni
Pressan
Fyrir 2 dögum

Apple er að hægja á iPhone-símum – Svona er hægt að laga það

Apple er að hægja á iPhone-símum – Svona er hægt að laga það
Pressan
Fyrir 2 dögum

Fótbraut unnustu sína því hún sauð pasta ekki rétt – Neyddi hana síðan til að halda áfram að elda

Fótbraut unnustu sína því hún sauð pasta ekki rétt – Neyddi hana síðan til að halda áfram að elda