Liga Skromane, 33 ára, fór til Indlands í febrúar ásamt systur sinni. Liga þjáðist af áfallastreitu og ætlaði að leita sér óhefðbundinna lækninga á Indlandi. Hún sást síðast á lífi 14. mars þegar hún var á leið niður á strönd. Systir hennar, Ilza, vissi ekki að Liga ætlaði á ströndina og tilkynnti hvarf hennar til lögreglunnar þegar hún fór að sakna hennar.
Þar var síðan þann 20. apríl sem lík Liga fannst í skógi í Kerela-héraðinu. Lögreglan skýrði þá frá því að Liga hefði verið gefið róandi lyf, nauðgað og skorin á háls þegar hún barðist á móti ofbeldismönnunum. Hún var síðan hengd upp á fótunum í tré.
CBS hefur eftir talsmönnum lögreglunnar að síðar hafi höfuðið dottið af líkinu eftir að rotnun þess var hafin.
Ofbeldismennirnir höfðu reynt að haga málum þannig að það liti út fyrir að Liga hefði framið sjálfsvíg en þeim tókst ekki að blekkja lögregluna. Lögreglan hefur nú handtekið tvo menn vegna málsins. Þeir eru þekktir fíkniefnasalar og hafa áður verið undir smásjá lögreglunnar vegna gruns um að hafa beitt karla og konur kynferðislegu ofbeldi. Lögreglan útilokar ekki að fleiri hafi komið að ódæðisverkinu.
Liga verður jarðsett í Kerala á sunnudaginn.