Pressan

Eurovision segir upp samningi við kínverska sjónvarpsstöð – Ritskoðaði útsendingu frá fyrra undanúrslitakvöldinu

Kristján Kristjánsson
Föstudaginn 11. maí 2018 06:17

Ari Ólafsson keppti fyrir hönd Íslands í Eurovision í ár.

Kínverska sjónvarpsstöðin Mango TV fær ekki að sýna frá úrslitakvöldi Eurovision annað kvöld. Þetta hefur European Broadcasting Union (EBU) tilkynnt. Ástæðan er að þegar sjónvarpsstöðin sýndi frá fyrra undanúrslitakvöldinu ritskoðaði hún tvö atriði. Annað atriðið var frá Albaníu en söngvarinn Eugent Bushpepa þótti of húðflúraður fyrir smekk kínverska stjórnvalda. Þá fór atriði Írlands mjög fyrir brjóstið á kínversku ritskoðendunum þar sem það fjallar um ástarsamband tveggja samkynhneigðra karlmanna.

Að auki voru regnbogafánar afmáðir úr útsendingu Mango TV. Allt sem hefur með samkynhneigða og þá að gera sem ekki eru gagnkynhneigðir þykir ekki ásættanlegt í Kína og er ritskoðun óspart beitt til að koma í veg fyrir að Kínverjar sjái að ekki eru allir steyptir í sama mót þegar kemur að kynhneigð.

Í fréttatilkynningu frá EBU segir að þessi ritskoðun sé ekki í samræmi við gildi EBU þar sem áhersla er lögð á að fagna fjölbreytileikanum í gegnum tónlist. Það sé því ekki annað að gera en slíta samstarfinu við kínversku sjónvarpsstöðina.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Raflost hefst í dag