Þýsk kennslukona, sem er múslimi, var ósátt við að skólayfirvöld bönnuðu henni að hylja hár sitt með höfuðklút þegar hún sinnti kennslu í þýskum grunnskóla. Hún taldi bannið brjóta gegn stjórnarskrá sambandslýðveldisins og trúfrelsi hennar. Dómstóll í Berlín kvað upp dóm í málinu á miðvikudaginn og komst að þeirri niðurstöðu að bannið brjóti hvorki gegn stjórnarskránni né trúfrelsi konunnar.

Dómstóllinn lagði einnig áherslu á hin svokölluðu hlutleysislög, sem eru í gildi í Þýskalandi, en samkvæmt þeim mega opinberir starfsmenn ekki bera nein trúarleg tákn þegar þeir eru við störf.

Auk þess leit dómstóllinn til þess að konan hafði samþykkt þetta þegar hún var ráðin til starfa. Í dómsorði er tekið fram að trúað fólk megi gjarnan kenna í skólum í Berlín en það megi ekki bera merki um trú sína.