Samþykki er auðvitað mikilvægt við margar mismunandi aðstæður. Það eru þó örugglega ekki margir sem hafa hugsað út í að biðja börn um leyfi áður en skipt er um bleiu á þeim enda bleiubörn yfirleitt ekki komin til vits og ára.

En kynfræðslusérfræðingurinn Deanne Carson segir að mikilvægt sé að biðja börn um leyfi áður en skipt er á þeim. Hún á þó ekki von á að upp úr þessi kvikni góðar samræður eða að þeir fullorðnu fái svar. Þetta á að hennar sögn að gera til koma upp góðum samræðuvenjum síðar á lífsleiðinni.

Í samtali við ABC News sagði hún að hún vinni með börnum frá þriggja ára aldri og foreldrum allt frá fæðingu barna þeirra. Hún sagði að þessar hugmyndir hennar byggi á að skapa ákveðinn lífsstíl þar sem skoðanir og svör barnsins skipti máli á heimilinu.

Margir hafa tjáð sig um þetta á netinu og verður að segjast að flestum þykjar þessar hugmyndir Carson fáránlegar.

„Hvað verður næst? Þarf leyfi hjá hundinum til að fara með hann út að ganga?“

„Hversu lengi á barn að vera með kúkableiuna ef það neitar að láta skipta á sér?“

Eru meðal ummæla sem hafa fallið á netinu um þessar hugmyndir.