Málverk sem sýnir nakta konu seldist á uppboði í New York í gærkvöldi fyrir 157,2 milljónir Bandaríkjadala, rúma 16 milljarða króna.

Það var uppboðshúsið Sotheby‘s sem stóð fyrir uppboðinu á myndinni, Nu couche, sem er eftir ítalska listamanninn Amedeo Modigliani. Verk eftir Modigliani hafa þótt mjög eftirsótt meðal safnara á undanförnum árum og seldist til að mynda eitt verk eftir kappann, önnur nektarmynd, fyrir 170 milljónir dala árið 2015.

Myndin sem seldist í gærkvöldi var fyrst sýnd í París um aldamótin 1900 og þá þótti hún of gróf. Lögregla mætti á svæðið og lokaði sýningunni.

Modigliani, sem starfaði nær eingöngu í Frakklandi, lést árið 1920 úr berklum, 35 ára gamall.