Mannkynið skiptist í tvær fylkingar, þá sem heyra orðið Yanni og þá sem heyra orðið Laurel. Þeir sem heyra annað orðið skilja ekki hvernig í ósköpunum einhver annar heyrir hitt orðið. Hljóðbrotið sem um ræðir fer nú eins og eldur í sinu um netheima, á það upptök sín á Reddit-þræði á mánudaginn.
Eftir að hljóðbrotið rataði á Twitter með meðfylgjandi atkvæðagreiðslu hafa rúmlega 310.000 manns sagst heyra orðið Yanni á meðan 330.000 manns segjast heyra orðið Laurel.
Fræga fólkið er mætt á vígvöllinn, eru bæði sjónvarpsmaðurinn Stephen Fry og fyrirsætan Christine Teigen í Laurel-liðinu. Youtube-stjarnan Logan Paul skilur hins vegar ekki hvernig einhver getur heyrt eitthvað annað en Yanni.
Breskir þingmenn mættu einnig á útvarpsstöðina BBC 5 í morgun til að ræða málið. Þingmaður Verkamannaflokksins heyrði bara Laurel á meðan þingmaður Íhaldsflokksins heyrði orðið Yanni.
Leyndardómurinn að baki orðaruglinu er tíðnin í hljóðbrotinu. Þeir sem heyra ekki lágtíðni heyra orðið Yanni en þeir sem heyra ekki hátíðni heyra Laurel.
Hér er hljóðbrotið, hvort heyrir þú, Yanni eða Laurel?
What do you hear?! Yanny or Laurel pic.twitter.com/jvHhCbMc8I
— Cloe Feldman (@CloeCouture) May 15, 2018