fbpx
Pressan

Norður-Kórea hótar að hætta við leiðtogafundinn með Donald Trump

Kristján Kristjánsson
Miðvikudaginn 16. maí 2018 04:49

Kim Jong-un.

Stjórnvöld í Norður-Kóreu hóta að hætta við leiðtogafund Kim Jong-un, einræðisherra landsins, og Donald Trump, Bandaríkjaforseta, ef Bandaríkin halda áfram að krefjast þess einhliða að Norður-Kórea afsali sér kjarnorkuvopnum sínum. Leiðtogafundurinn á að fara fram þann 12. júní en nú virðist vera komið ákveðið bakslag í málin.

Í yfirlýsingu frá varautanríkisráðherra Norður-Kóreu sakar hann Bandaríkin um gáleysislegar yfirlýsingar og að vera með dólgslegar fyrirætlanir. Yfirlýsinging var birt í dag af ríkisfréttastofu Norður-Kóreu.

Ráðherrann beindi orðum sínum að John Bolton, þjóðaröryggisráðgjafa Trump, sem hefur sagt að hugsanlega geti Norður-Kórea fylgt sömu leið og Líbía gerði hvað varðar kjarnorkuafvopnun. Margir sérfræðingar segja að þetta fari mjög illa í stjórnvöld í Norður-Kóreu enda viti þau vel hvernig fór fyrir Gaddafi fyrrum leiðtoga Líbíu.

Bandaríkjamenn vinna enn að undirbúningi leiðtogafundarins sem á að fara fram í Singapore.

Nú er hins vegar komið nýtt hljóð í Norður-Kóreumenn eftir mjög jákvæðar vikur í samskiptum þeirra við umheiminn. Kim Jong-un fundaði nýlega með forseta Suður-Kóreu og var ekki annað að sjá en friðarvilji og jákvæðni réði för. Fyrirhugað var að embættismenn Kóreuríkjanna funduðu í dag en í gær aflýstu norðanmenn fundinum vegna yfirstandandi heræfinga sunnanmanna og Bandaríkjanna en þær hófust á föstudaginn. Norðanmenn segja æfingarnar vera beina ógnun við sig enda sé verið að æfa árás á Norður-Kóreu.

Þá lýsti Kim Jong-un því yfir nýlega að norðanmenn vilji gjarnan stuðla að því að Kóreuskaginn verði kjarnorkuvopnalaus og að þau hyggist loka kjarnorkutilraunastöð sinni síðar í mánuðinum. Erlendum fréttamönnum hefur verið boðið að vera viðstaddir þegar hún verður eyðilögð síðar í mánuðinum.

Í yfirlýsingu frá Kim Jong-un, sem ríkisfréttastofan KCNA, birti í dag segir að ef Bandaríkin haldi áfram að hrekja Norður-Kóreu út í horn og krefjast þess að landið afsali sér kjarnorkuvopnum sínum þá sé enginn áhugi fyrir hendi á viðræðum við Bandaríkin og íhuga verði hvort leiðtogafundurinn í júní fari fram. BBC segir að einnig komi fram í yfirlýsingunni að það sé mjög óheppilegt að Bandaríkin ögri Norður-Kóreu í aðdraganda leiðtogafundarins með fáránlegum yfirlýsingum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Mörgum Svíum léttir mikið – Stóra kryddmálið er að leysast

Mörgum Svíum léttir mikið – Stóra kryddmálið er að leysast
Pressan
Í gær

Gerðu ótrúlega uppgötvun í útfararstofu eftir að nafnlaus ábending barst

Gerðu ótrúlega uppgötvun í útfararstofu eftir að nafnlaus ábending barst
Pressan
Fyrir 2 dögum

Móðirin er þakin marblettum – Sannkölluð hetjudáð hennar ástæðan

Móðirin er þakin marblettum – Sannkölluð hetjudáð hennar ástæðan
Pressan
Fyrir 2 dögum

15.000 heimili án rafmagns eftir sögulegt óveður í Portúgal

15.000 heimili án rafmagns eftir sögulegt óveður í Portúgal
Pressan
Fyrir 3 dögum

Fellibylur stefnir á Spán og Portúgal

Fellibylur stefnir á Spán og Portúgal
Pressan
Fyrir 3 dögum

Stúdentum bannað að vera í „vafasömum búningum“ á Hrekkjavöku: Mega ekki vera kúreki, Ísraeli eða Harvey Weinstein

Stúdentum bannað að vera í „vafasömum búningum“ á Hrekkjavöku: Mega ekki vera kúreki, Ísraeli eða Harvey Weinstein