Pressan

Atli Helgason fær lögmannsréttindi á nýjan leik

Kristján Kristjánsson
Fimmtudaginn 17. maí 2018 09:11

Héraðsdómur Reykjavíkur hefur fallist á kröfu Atla Helgasonar um að hann fái lögmannsréttindi á nýjan leik. Atli var dæmdur í 16 ára fangelsi árið 2001 fyrir að hafa banað Einari Erni Birgissyni. Hann var einnig sviptur málflutningsréttindum.

Fréttablaðið skýrir frá þessu í dag. Þar er haft eftir Helga Magnúsi Gunnarssyni, vararíkissaksóknara, að ekki liggi fyrir hvort niðurstöðunni verði áfrýjað til Landsréttar en embætti ríkissaksóknara varðist kröfu Atla um endurheimt lögmannsréttinda hans fyrir dómi.

Óflekkað mannorð er meðal þeirra skilyrða sem fólk þarf að uppfylla til að hafa málflutningsréttindi. Þá kröfu uppfyllir Atli en hann fékk uppreist æru fyrir rúmlega tveimur árum síðan. Atli sótti þá um að fá lögmannsréttindin á nýjan leik en féll frá kröfu sinni eftir að Lögmannafélagið skilaði inn formlegri umsögn um kröfuna og lagðist gegn henni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Raflost hefst í dag