Ebóla hefur nú greinst á þremur svæðum í Kongó, í Mbandaka og á tveimur stöðum á landsbyggðinni.
Alþjóðaheilbrigðismálastofnunin WHO tilkynnti nýlega að þar á bæ væru menn undir það versta búnir vegna hugsanlegrar útbreiðslu ebólu í Kongó.
Talið er að 23 hafi látist af völdum veirunnar í Kongó hingað til en nú hefur málið tekið nýja og mun alvarlegri stefnu því erfitt verður að halda aftur af útbreiðslu veirunnar nú þegar hún hefur borist til stórrar borgar.
WHO hefur fengið 4.000 skammta af bóluefni gegn ebólu en það er enn á tilraunastigi og erfitt í notkun og ekkert kraftaverkalyf gegn smiti að sögn WHO.
Þetta er í níunda sinn sem ebóla brýst út í Kongó frá því að veiran fannst fyrst á áttunda áratugnum. Veiran er mjög skæð og verður 50-90 prósent þeirra sem smitast af henni að bana. Faraldrarnir í Kongó hafa aldrei orðið mjög umfangsmiklir en nú gæti staðan verið allt önnur fyrst veiran hefur borist til Mbandaka. Stríðsástand ríkir í stórum hluta landsins, forsetinn átti að láta af embætti fyrir hálfu ári en situr sem fastast og mikill fjöldi fólks getur ekki brauðfætt sig. Allt þetta mun gera baráttunni gegn veirunni erfiða.