fbpx
Pressan

Innbrotsþjófar börðu Fjölni og deyfðu

Kristján Kristjánsson
Fimmtudaginn 17. maí 2018 07:35

Fjölnir. Mynd:Facebook/Sallie Nielsen.

„Í gær lentum við í hræðilegri lífsreynslu. Brotist var inn á heimili okkar á meðan hundurinn Fjölnir var einn heima. Ég fór síðust að heiman klukkan 9.45 og kom heim klukkan 14.15. Ég undraðist að Fjölnir gelti ekki eins og hann er vanur þegar ég loka bílnum. Ég hélt því að kærastinn minn væri kominn heim. Útidyrnar voru ekki læstar. Þegar ég opnaði þær tók sljór hundur á móti mér, niðurlútur og með skottið niðri. Ég sá að eldhúsið var í rúst og hugsaði með mér: „Hættu nú alveg Fjölnir, þú hefur skemmt þér.“

Svona hefst Facebookfærsla Sallie Nielsen, sem býr í Esbjerg á Jótlandi í Danmörku um skelfilega lífsreynslu hennar og hundsins Fjölnis á mánudaginn. Fjölnir er íslenskur hundur í eigu Sallie og er óhætt að segja að hann hafi lent í miklum hremmingum á mánudaginn.

Brotist var inn á heimili Sallie og unnusta hennar, búið var að róta í öllu og var húsið nánast eins og vígvöllur, svo slæm var umgengnin.

„Það var búið að róta í öllu. Skúffur og skápar voru opnir og innihaldið lá á gólfinu. Búið var að brjóta sparibauka, tæma veski og töskur. Meira að segja öryggishólfið, sem var falið, höfðu þeir fundið og reynt að opna í eldhúsinu. Búið var að róta í lyfjunum okkar og mörg þeirra voru tekin. En það var ekki það versta því þeir höfðu gefið Fjölni okkar eitthvað sljóvgandi og barið hann og sparkað í hann.“

Farið var með Fjölni til dýralæknis sem var ekki í vafa um að hann hefði verið barinn. Hann finnur mikið til við rifbeinin og magann og varð fyrir miklum andlegum áhrifum af ofbeldinu. Dýralæknirinn lét þau fá verkjalyf fyrir Fjölni.

„Elsku litli strákurinn minn. Hann hefur örugglega barist eins og hann gat til að vernda heimilið sitt.“

Skrifaði Sallie og bætti við:

„Þeir geta stolið öllu sem ég á en drullist til að láta hundinn minn í friði.“

Sallie hefur heitið verðlaunum til handa þeim sem getur veitt upplýsingar sem verða til þess að lögreglan geti upplýst málið en brotist var inn á fleiri stöðum í hverfinu hennar þennan dag svo líklegt má teljast að sömu aðilar hafi verið að verki í flestum ef ekki öllum tilvikum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Mörgum Svíum léttir mikið – Stóra kryddmálið er að leysast

Mörgum Svíum léttir mikið – Stóra kryddmálið er að leysast
Pressan
Í gær

Gerðu ótrúlega uppgötvun í útfararstofu eftir að nafnlaus ábending barst

Gerðu ótrúlega uppgötvun í útfararstofu eftir að nafnlaus ábending barst
Pressan
Fyrir 2 dögum

Móðirin er þakin marblettum – Sannkölluð hetjudáð hennar ástæðan

Móðirin er þakin marblettum – Sannkölluð hetjudáð hennar ástæðan
Pressan
Fyrir 2 dögum

15.000 heimili án rafmagns eftir sögulegt óveður í Portúgal

15.000 heimili án rafmagns eftir sögulegt óveður í Portúgal
Pressan
Fyrir 3 dögum

Fellibylur stefnir á Spán og Portúgal

Fellibylur stefnir á Spán og Portúgal
Pressan
Fyrir 4 dögum

Stúdentum bannað að vera í „vafasömum búningum“ á Hrekkjavöku: Mega ekki vera kúreki, Ísraeli eða Harvey Weinstein

Stúdentum bannað að vera í „vafasömum búningum“ á Hrekkjavöku: Mega ekki vera kúreki, Ísraeli eða Harvey Weinstein