Vísindamenn í Queensland segja að dýrin stundi kynlíf í allt að 14 klukkustundir í einu en það auk loftslagsbreytinga, breytinga á landháttum og sjúkdóma á sinn þátt í að tegundirnar eru í útrýmingarhættu.
Sky hefur eftir Andrew Baker, spendýrafræðingi, að dýrin séu hamstola og reyni að stunda kynlíf með hverju dýrinu á fætur öðru á fengitímanum og þetta standi yfir klukkustundum saman og hafi mikil áhrif á dýrin. Þau hrynji bókastaflega sama heilsufarslega á örskömmum tíma á þeim hálfa mánuði sem fengitíminn stendur yfir.
Karldýrin reyna þá tryggja sér eins mörg kvendýr og þau geta og berjast við andstæðinga sína um kvendýrin. Þetta losar um mikið magn testósteróns. Þetta mikla magn testósteróns kemur í veg fyrir að stress hormónar slökkvi á sér en þeir eyðileggja líffæri dýrann og drepa þau á endanum.
Baker uppgötvaði tegundirnar en hann telur að stofnstærð þeirra hafi verið allt að 10 sinnum meiri fyrir nokkrum áratugum. Talið er að nú séu innan við 250 dýr á lífi en þau búa á þremur stöðum í Queensland.