HM í knattspyrnu hefst í næstu viku og milljónir manna um allan heima bíða í ofvæni eftir að sparkið hefjist. Í kringum svona stórt mót eins og HM er fer mikil sala á ýmsum varningi fram. Eitt af því sem er vinsælt eru HM-kort með myndum af leikmönnum þátttökuþjóðanna en margir safna þeim. Nýlega ruddust vopnaðir menn inn í prentsmiðju í Argentínu og rændu rúmlega 600 kössum með HM-kortum í pökkum.
Í hverjum kassa eru 1.000 pakkar og í hverjum þeirra eru 5 myndir. Verðmæti kortanna er áætlað sem nemur um 38 milljónum íslenskra króna.
Lögreglan í Munro segir að tveir vopnaðir menn hafi ruðst inn í prentsmiðjuna og haft kassana á brott með sér.
Ekki er vitað hvort hér er um eldheita safnara að ræða eða hvort mennirnir hyggjast selja kortin á svartamarkaðnum.