Austurrísk stjórnvöld ætla að loka sjö moskum og vísa fjölda íslamskra predikara úr landi. Austurrískir fjölmiðlar skýrðu frá þessu fyrir stundu. Kronen Zeitung segir að allt að 40 íslömskum predikurum verði vísað úr landi. Blaðið segir að austurríska ríkisstjórnin hafi lýst yfir stríði gegn „pólitíska íslam“.

Ríkisstjórnin segir að moskurnar sjö séu moskur þar sem öfgahyggja er viðhöfð. Brottvísunin predikaranna byggir á niðurstöðum rannsókna sem innanríkisráðuneytið gerði. Ríkisstjórnin tilkynnti um þetta á fréttamannafundi í morgun undir forystu Sebastian Kurz kanslara.

Núverandi ríkisstjórn tók við völdum í desember en hana mynda Austurríski þjóðarflokkurinn og Austurríski frelsisflokkurinn sem er langt til hægri í stjórnmálum. Þegar ríkisstjórnin var mynduð tilkynnti frelsisflokkurinn að miklar breytingar yrðu gerðar á ýmsu er varðar málefni útlendinga.