Curiosity, vélmenni bandarísku geimferðastofnunarinnar NASA, hefur fundið ummerki um lífrænar sameindir á Mars. Vélmennið er statt í Gale Crater þar sem vatn var fyrir 3,5 milljörðum ára. Í borsýnum, sem vélmennið hefur tekið úr jarðveginum, fundust greinileg ummerki eftir nokkrar lífrænar sameindir.

NASA skýrði frá þessu á fréttamannafundi í gær. Það er því ljóst að á Mars eru flóknar sameindir undir yfirborðinu. En það er rétt að hafa í huga að þessar sameindir eru ekki sönnun fyrir að líf hafi eða sé að finna á Mars. Sameindirnar gætu einnig hafa myndast af völdum jarðfræðilegra atburða á botni vatnsins eða hafa borist með loftsteinum eða geimryki.

Lífrænar sameindir innihalda kolefni og vetni og geta einnig innihaldið súrefni, köfnunarefni og önnur efni.

„Með þessu nýju uppgötvunum er Mars að segja okkur að halda okkar stefnu og halda áfram að leita að sönnunum fyrir lífi.“

Sagði Thomas Zurbuchen, hjá NASA, í gær. Hann sagðist sannfærður um að núverandi og framtíðar leiðangrar NASA til Mars muni leiða til enn merkilegri uppgötvana.