Um klukkan fimm í morgun, að staðartíma, var lögreglunni í Stokkhólmi tilkynnt um særðan mann í íbúð í Vasastan. Þar var einn særður maður þegar lögreglan kom á vettvang. Hann var fluttur á sjúkrahús en áverkar hans eru sagðir alvarlegir.
Aftonbladet segir að lögreglan vinni nú að rannsókn, verið sé að yfirheyra vitni og gengið sé hús úr húsi til að ræða við nágranna.
