Uppeldi barna er ekki auðvelt og það sem maður kennir þeim er ekki alltaf svart og hvítt. Til dæmis með því að taka einhvern sem dæmi um hvað barnið á ekki að gera. Andy Ross, frá Vancouver í Kanada, tók eitt slíkt dæmi í færslu sem fer nú eins og eldur í sinu um netheima.

Andy var á leið heim úr byggingavinnu þegar hann kom við í búð á leið heim. Þar mætti hann móður og dóttur hennar. Dóttirin starði á tattúin og drulluna á Andy þar til mamma hennar skammaði hana. Þegar þær gengu út sagði móðirin við dóttur sína að „hann væri ástæðan af hverju hún þyrfti að standa sig vel í skóla“. Andy var þreyttur og sleppti því að segja eitthvað, þess í stað skrifaði hann færslu á Fésbók um hvers vegna það á ekki að dæma fólk út frá útliti þeirra.

Útskýrir Andy að hann sé búinn með læknisfræði, reki eigið fyrirtæki og sé með tattú því hann hafi einfaldlega gaman af þeim. Síðan taldi hann upp átta atriði sem hann lærði þennan dag.

1. Ekki dæma út frá útliti.
2. Gerðu það sem þér þykir gaman.
3. Verkavinna er besta vinnan. Það borgar vel og er skemmtilegt.
4. Menntun er mikilvæg en hún tryggir ekki neitt.
5. Það sem skiptir máli er reynsla og þrautseigja.
6. Ekki vera foreldrafífl sem elur upp krakkafífl.
7. Þegar þú ert að segja að einhver sé lítið menntaður, vertu þá viss um að vera ekki heimskari og minna menntaðri en sá sem þú ert að tala um.
8. Já, ég þarf að fara í sturtu.