Mennirnir voru sakaðir um að hafa sent 700.000 norskar krónur til Rúmeníu en í raun voru það 7000,00 krónur sem þeir sendu þangað. Augljóslega er mikill munur á þessum upphæðum.
Mennirnir voru úrskurðaðir í gæsluvarðhald á grunni þess að þeir hefðu sent 700.000 krónur til Rúmeníu enda há fjárhæð og þeir nýkomnir til Noregs.
Ekki er enn ljóst hvernig þessi mistök komu til en skjöl frá gjaldeyrisþjónustunni, sem mennirnir nýttu sér, sýna að þeir millifærðu aðeins 7000 krónur.
Mennirnir þvertóku fyrir að hafa millifært svona háar fjárhæðir þegar mál þeirra var tekið fyrir í dómi en þeim var ekki trúað. Norska ríkisútvarpið skýrir frá þessu.
Eftir 13 daga var þeim sleppt úr haldi þegar lögreglan var orðin sannfærð um að mistök höfðu verið gerð. Lögmenn þremenningana ætla nú að krefjast bóta vegna gæsluvarðhaldsvistarinnar en þær eru ekki háar eða 400 norskar krónur fyrir hvern sólarhring sem þeir sátu í gæsluvarðhaldi.