Pressan

Svíar kölluðu allt heimavarnarliðið út – Í fyrsta sinn í 43 ár sem það gerist

Kristján Kristjánsson
Sunnudaginn 10. júní 2018 15:30

Á miðvikudaginn bar það til tíðinda í Svíþjóð að allt heimavarnarliðið, sem er nokkurskonar varalið hersins, var kallað út. Það eru 22.000 manns. Þetta var í fyrsta sinn í 43 ár sem allt heimavarnarliðið var kallað út í einu.

Miðvikudagurinn var annars frídagur í Svíþjóð eða hinn svokallaði fánadagur landsins. Öllum að óvörum var sent út allsherjarútkall þar sem allir þeir sem hefðu tök á voru beðnir um að mæta til stöðva sinna til að sinna ákveðnum verkefnum. Síðast gerðist þetta 1975.

Um æfingu var að ræða en heimavarnarliðið sér aðallega um að vernda ákveðna staði og vakta þá. Þetta er gert til að létta undir með hernum sem á að sjá um varnir landsins.

Það bar því svo við á miðvikudaginn að skyndilega stóðu vopnaðir hermenn í felubúningum við mikilvægar byggingar, flugvelli, hafnir og á götum og torgum landsins.

Á bak við æfinguna er nokkur alvara því Svíar finna til sívaxandi óöryggis vegna hegðunar Rússa við Eystrasalt og því hafa þeir endurmetið viðbúnað sinn. Þar á meðal var nýlega dreift bæklingi inn á öll heimili landsins þar sem gefin eru góð ráð um hvernig á að bregðast við stríðsátökum eða öðrum hörmungum.

Svíar eru hlutlausir og ekki aðilar að NATO og verða því að sjá sjálfir um varnir sínar og geta ekki treyst á að önnur ríki komi þeim til aðstoðar ef til stríðsátaka kemur.

Danska ríkisútvarpið segir að ekki hafi fengist upplýsingar um hversu margir mættu en enginn var skyldugur til að mæta.

Svíar stóðu síðast í stríðsátökum 1814 en þá var andstæðingurinn nágrannarnir í Noregi.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Sagan bræddi hjörtu milljóna: Nú er talið að þetta hafi allt verið eitt stórt svindl

Sagan bræddi hjörtu milljóna: Nú er talið að þetta hafi allt verið eitt stórt svindl
Pressan
Fyrir 2 dögum

Fimm eiga yfir höfði sér dauðadóm vegna morðsins á Khashoggi

Fimm eiga yfir höfði sér dauðadóm vegna morðsins á Khashoggi
Pressan
Fyrir 2 dögum

Ódýrari matur, leikföng og raftæki og aukinn kaupmáttur – Þetta búa nágrannar okkar við

Ódýrari matur, leikföng og raftæki og aukinn kaupmáttur – Þetta búa nágrannar okkar við
Pressan
Fyrir 2 dögum

Léttist um 50 kíló – „Vildi að ég hefði vitað af þessum gildrum“

Léttist um 50 kíló – „Vildi að ég hefði vitað af þessum gildrum“
Pressan
Fyrir 3 dögum

Mikil fjölgun hatursglæpa í Bandaríkjunum

Mikil fjölgun hatursglæpa í Bandaríkjunum
Pressan
Fyrir 3 dögum

Draugabáta rekur í tugatali upp á japanskar strendur

Draugabáta rekur í tugatali upp á japanskar strendur