Pressan

Segja íslamista ráða lögum og lofum í ákveðnum hverfum í Stokkhólmi – „Sænsk lög gilda ekki hér“

Kristján Kristjánsson
Mánudaginn 11. júní 2018 07:47

Konur í úthverfum Stokkhólms eru að margra mati lykilmanneskjurnar þegar kemur að sænsku þingkosningunum í september og margir vilja tryggja sér atkvæði þeirra. En mörgum þessara kvenna finnst sem stjórnmálamenn hafi svikið þær og draga upp kolsvarta mynd af lífinu í hverfunum þar sem þær búa.

„Heiðurshugtakið er stærra en dauðinn hér. Íslamistar ráða lögum og lofum á götum úti og stunda innrætingu á litlum börnum.“

Hefur Aftonbladet eftir Zeliha Dagli aðgerðarsinna. Hún segir að vissulega finnist henni hún tilheyra hverfinu en konur hafi lengi verið afskiptar þar. Líf þeirra hafi ekkert breyst frá því sem var í heimalöndum þeirra. Dagli er þekkt sem nokkurskonar úthverfafemínisti og gagnrýnandi á það sem hún kallar trúarlega- og menningarlega stjórn. Hún er frá Tyrklandi. Í hennar huga búa stúlkur og konur í Tensta við aðstæður sem má frekar reikna með að séu við lýði í íslömsku einræðisríki en í úthverfi í Svíþjóð.

„Sænsk lög gilda ekki í úthverfunum. Skipulögð öfl hafa komið frá öðrum ríkjum og sýna mátt sinn hér. Þau hindra konur í að vera hluti af samfélaginu.“

Hún segir að þrátt fyrir ýmsar aðgerðir stjórnmálamanna þá hafi þróunin verið beint niður á við í Järva, þar sem Tensta og fleiri hverfi eru, undanfarinn áratug. Hún segir að íslamistar og trúarleg öfl stjórni fyrirtækjum, samkomuhúsum og moskum. Stúlkur eru aðskildar frá drengjum þegar skipulagðir atburðir fara fram og trúarleiðtogar hvetja konur til að sleppa því að tilkynna yfirvöldum ef eiginmenn þeirra misþyrma þeim.

„Svíar hafa enga hugmynd um hversu mikil ítök hið pólitíska íslam hefur í úthverfunum. Áður tókumst við á við einangrun og atvinnuleysi en höfðum um leið sterkt fólk sem barðist fyrir að vera hluti af samfélaginu. Þetta höfum við ekki lengur.“

Dagli bjó í Tensta í 25 ár en flutti í miðborg Stokkhólms á síðasta ári. Hún hefur þó ekki sagt alveg skilið við hverfið því hún rekur fyrirtæki þar ásamt vinkonu sinni, Fatemeh Seydalzadeh. Fyrirtækið er einhverskonar testofa þar sem konur fá aðstoð og stuðning. Seydalzadeh tekur undir skoðanir Dagli og segir að stjórnmálamenn hafi svikið konur sem búa í úthverfum. Hún segir að það sé gott að þeir séu byrjaðir að ræða vandann en hvort það leiði til breytinga sé annað mál.

Þær stöllur segja að slæðan sé eitt greinilegast merki kvennakúgunar, sérstaklega þegar ungar stúlkur eru látnar bera þær. Þær vilja láta banna trúarskóla og að stúlkur yngri en 18 ára beri slæður. Þær vilja einnig að bannað verði að aðskilja kynin í sundtímum og við önnur tækifæri.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
í gær

Sjálfsmynd dagsins – Tekin í miðjum stormi

Sjálfsmynd dagsins – Tekin í miðjum stormi
Pressan
í gær

Í skjóli HM hækkar rússneska ríkisstjórnin skatta og hrindir umdeildum umbótum á ellilífeyrisaldri í framkvæmd

Í skjóli HM hækkar rússneska ríkisstjórnin skatta og hrindir umdeildum umbótum á ellilífeyrisaldri í framkvæmd
Pressan
í gær

Dularfulla konan – Veit hún eitthvað um hvarf 19 ára pilts fyrir 25 árum?

Dularfulla konan – Veit hún eitthvað um hvarf 19 ára pilts fyrir 25 árum?
Pressan
í gær

Þrír voru myrtir í Malmö á mánudaginn – „Við munum hefna okkar“

Þrír voru myrtir í Malmö á mánudaginn – „Við munum hefna okkar“
Pressan
Fyrir 2 dögum

Kynlífsdúkkuverslun sektuð – Viðskiptavinir fengu að prófa vörurnar

Kynlífsdúkkuverslun sektuð – Viðskiptavinir fengu að prófa vörurnar
Pressan
Fyrir 2 dögum

Risastór skriða í Þrændalögum – Um 800 metrar á breidd – Óttast mikið tjón

Risastór skriða í Þrændalögum – Um 800 metrar á breidd – Óttast mikið tjón
Pressan
Fyrir 2 dögum

Fæturnir höggnir af hvolpi og hann skilinn eftir hjálparlaus

Fæturnir höggnir af hvolpi og hann skilinn eftir hjálparlaus
Pressan
Fyrir 2 dögum

Skotinn til bana á götu úti í Kaupmannahöfn

Skotinn til bana á götu úti í Kaupmannahöfn