Pressan

Donald Trump og Kim Jong-un funda í Singapore – Skrifa saman undir skjal að fundi loknum

Kristján Kristjánsson
Þriðjudaginn 12. júní 2018 04:48

Leiðtogarnir heilsast í upphafi fundar.

Klukkan 1 að íslenskum tíma hófst leiðtogafundur Donald Trump, forseta Bandaríkjanna, og Kim Jong-un, leiðtoga Norður-Kóreu, í Singapore. Leiðtogarnir hittust þá og heilsuðust með handabandi og stilltu sér upp fyrir ljósmyndara. Að fréttamannafundi loknum og myndatökum gengu leiðtogarnir afsíðist ásamt túlkum sínum til að ræðast við í einrúmi.

Áður en þeir gengu til fundarins sagði Trump að hann væri þess fullviss að samband hans við einræðisherrann verði „stórkostlegt“. Kim Jong-un brosti þegar þeir ræddu við fréttamenn og sagði að það hefði ekki verið „auðveld leið“ að koma fundinum á. Hann sagði að fortíðin væri eins og hlekkir um fætur þeirra, gamlir fordómar og venjur hafi staðið í vegi en það hafi tekist að sigra allar þessar hindranir og nú væru leiðtogarnir komnir til Singapore til viðræðna.

Eftir að hafa ræðst við tveir, þó með aðstoð túlka, í 41 mínútu hófust frekari viðræður þar sem stjórnarerindrekar og aðrir fulltrúar frá báðum ríkjum taka þátt. Trump sagði að tveggja manna fundur hans og einræðisherrans hafi verið „mjög, mjög góður“ og að „samband þeirri væri frábært“.

Trump sagði að nú verði viðræður ríkjanna að snúast um að „leysa stórt vandamál“.

Að öðru leyti hafa ekki borist miklar fréttir af viðræðunum.

Uppfært klukkan 05.00

Leiðtogarnir komu út úr fundarsalnum og fengu sér göngutúr saman. Trump sagði að á eftir muni þeir skrifa undir skjal saman en sagði ekki hvað þeir ætla að skrifa undir. Hann sagði að fundurinn hefði gengið betur en nokkur hefði átt von á.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Sagan bræddi hjörtu milljóna: Nú er talið að þetta hafi allt verið eitt stórt svindl

Sagan bræddi hjörtu milljóna: Nú er talið að þetta hafi allt verið eitt stórt svindl
Pressan
Fyrir 2 dögum

Fimm eiga yfir höfði sér dauðadóm vegna morðsins á Khashoggi

Fimm eiga yfir höfði sér dauðadóm vegna morðsins á Khashoggi
Pressan
Fyrir 2 dögum

Ódýrari matur, leikföng og raftæki og aukinn kaupmáttur – Þetta búa nágrannar okkar við

Ódýrari matur, leikföng og raftæki og aukinn kaupmáttur – Þetta búa nágrannar okkar við
Pressan
Fyrir 2 dögum

Léttist um 50 kíló – „Vildi að ég hefði vitað af þessum gildrum“

Léttist um 50 kíló – „Vildi að ég hefði vitað af þessum gildrum“
Pressan
Fyrir 3 dögum

Mikil fjölgun hatursglæpa í Bandaríkjunum

Mikil fjölgun hatursglæpa í Bandaríkjunum
Pressan
Fyrir 3 dögum

Draugabáta rekur í tugatali upp á japanskar strendur

Draugabáta rekur í tugatali upp á japanskar strendur