Pressan

Dularfullt innihald gáms í Jönköping í Svíþjóð – Hver á það og í hvað átti að nota það? – Umfangsmikil lögreglurannsókn

Kristján Kristjánsson
Þriðjudaginn 12. júní 2018 07:02

Mynd úr safni.

Í gær var lögreglunni í Jönköping í Svíþjóð tilkynnt um dularfullt innihald gáms sem stóð í Taberg sem er skammt frá Jönköping. Bæðið lögreglan og öryggislögreglan, Säpo, rannsaka nú málið en einn hefur verið handtekinn vegna þess og fjölmargar húsleitir hafa verið gerðar.

Í gámnum fannst einkennisbúningur lögreglumanns, hárkollur og fjöldi sjálfvirkra skotvopna. Allt bendir þetta til að gróft afbrot hafi verið í bígerð.

Aftonbladet segir að í fyrstu hafi lögregluna grunað að þeir sem tilkynntu um gáminn og innihald hans ættu hlutina en það voru meðlimir útlends þjófagengis. En fljótlega beindist grunur lögreglunnar annað og nú beinist rannsóknin að öfgasinnuðum vinstrimönnum, aðgerðarsinnum.

Fertugur karlmaður, starfsmaður skóla í Jönköping, var handtekinn í gær vegna málsins. Hann er ekki á sakaskrá. Hann er grunaður um gróft brot á vopnalögum og að hafa undirbúið gróft rán. Hann hefur neitað sök við yfirheyrslur.

Lögreglan gerði fjölmargar húsleitir á Jönköpingsvæðinu í gær og handtökuskipun var gefin út á karlmann á fertugsaldri. Hann er enn ófundinn. Hann og sá handtekni þekkjast og umgangast sama fólkið. Lögreglan leitar einnig að einum manni til viðbótar í tengslum við rannsóknina.

Aftonbladet segist hafa heimildir fyrir að lögregluna gruni að nota hafi átt útbúnaðinn í pólitískum tilgangi enda hafa hinir grunuðu tengsl við vinstrivæng stjórnmálanna. Blaðið segist hafa heimildir fyrir að Säpo komi að rannsókn málsins ásamt lögreglunni. Talsmaður Säpo staðfesti að þar á bæ „viti“ menn af málinu en vildi ekki segja meira um það.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Sagan bræddi hjörtu milljóna: Nú er talið að þetta hafi allt verið eitt stórt svindl

Sagan bræddi hjörtu milljóna: Nú er talið að þetta hafi allt verið eitt stórt svindl
Pressan
Fyrir 2 dögum

Fimm eiga yfir höfði sér dauðadóm vegna morðsins á Khashoggi

Fimm eiga yfir höfði sér dauðadóm vegna morðsins á Khashoggi
Pressan
Fyrir 2 dögum

Ódýrari matur, leikföng og raftæki og aukinn kaupmáttur – Þetta búa nágrannar okkar við

Ódýrari matur, leikföng og raftæki og aukinn kaupmáttur – Þetta búa nágrannar okkar við
Pressan
Fyrir 2 dögum

Léttist um 50 kíló – „Vildi að ég hefði vitað af þessum gildrum“

Léttist um 50 kíló – „Vildi að ég hefði vitað af þessum gildrum“
Pressan
Fyrir 2 dögum

Mikil fjölgun hatursglæpa í Bandaríkjunum

Mikil fjölgun hatursglæpa í Bandaríkjunum
Pressan
Fyrir 3 dögum

Draugabáta rekur í tugatali upp á japanskar strendur

Draugabáta rekur í tugatali upp á japanskar strendur