Pressan

Flúði úr fíkniefnameðferð – Grunaður um að hafa myrt tvo menn á meðan hann gekk laus

Kristján Kristjánsson
Þriðjudaginn 12. júní 2018 21:30

Mynd úr safni.

Þann 14. nóvember á síðasta ári var maður myrtur í Upplands Väsby í Svíþjóð. Hann var skotinn til bana með þremur skotum, einu í höfuðið og tveimur í bakið. Skotunum var hleypt af úr lítilli fjarlægð að mati sérfræðinga lögreglunnar. Nokkrum klukkustundum síðar fannst lík annars manns ekki fjarri staðnum þar sem hitt líkið fannst. Hann hafði verið skotinn mörgum skotum, þar á meðal í andlitið.

Lögreglan taldi í fyrstu að um aðskilin mál væri að ræða en fljótlega vaknaði grunur um að sami maðurinn hefði verið að verki. 20 mínútum eftir að tilkynnt var um fyrra morðið barst lögreglunni ábending um að 39 ára síbrotamaður hefði hugsanlega verið að verki.

Þegar seinna líkið fannst var maðurinn á nektarklúbbi í Stokkhólmi ef miðað er við gögn úr farsíma hans. Maðurinn var handtekinn 17. nóvember grunaður um fyrra morðið og síðar bættist hitt morðið við rannsóknina.

Ákæra hefur nú verið gefin út í málinu. Aftonbladet segir að í henni komi fram að maðurinn hafi umgengist bæði fórnarlömbin dagana fyrir morðin. Saksóknari hefur ekki viljað upplýsa hvaða ástæður geta legið að baki morðunum en það mun væntanlega koma fram við réttarhöldin.

Maðurinn hefur hlotið fjölda dóma á undanförnum 20 árum, þar á meðal nokkra langa fangelsisdóma. Hann hlaut síðast dóm síðasta sumar. Í dómsorði kemur fram að maðurinn hafi sagt að hann væri að reyna að slíta sig frá vinum og kunningjum í glæpaheiminum og hefja nýtt líf án afbrota og eiturlyfja en hann þurfi hjálp til að þetta takist. Hann var sakfelldur fyrir líkamsárás og hótanir. Hann var dæmdur til að sæta eftirliti og fara í fíkniefnameðferð. En 12. september stakk hann af úr meðferðinni.

Hann neitar sök.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
í gær

Sjálfsmynd dagsins – Tekin í miðjum stormi

Sjálfsmynd dagsins – Tekin í miðjum stormi
Pressan
í gær

Í skjóli HM hækkar rússneska ríkisstjórnin skatta og hrindir umdeildum umbótum á ellilífeyrisaldri í framkvæmd

Í skjóli HM hækkar rússneska ríkisstjórnin skatta og hrindir umdeildum umbótum á ellilífeyrisaldri í framkvæmd
Pressan
í gær

Dularfulla konan – Veit hún eitthvað um hvarf 19 ára pilts fyrir 25 árum?

Dularfulla konan – Veit hún eitthvað um hvarf 19 ára pilts fyrir 25 árum?
Pressan
í gær

Þrír voru myrtir í Malmö á mánudaginn – „Við munum hefna okkar“

Þrír voru myrtir í Malmö á mánudaginn – „Við munum hefna okkar“
Pressan
Fyrir 2 dögum

Kynlífsdúkkuverslun sektuð – Viðskiptavinir fengu að prófa vörurnar

Kynlífsdúkkuverslun sektuð – Viðskiptavinir fengu að prófa vörurnar
Pressan
Fyrir 2 dögum

Risastór skriða í Þrændalögum – Um 800 metrar á breidd – Óttast mikið tjón

Risastór skriða í Þrændalögum – Um 800 metrar á breidd – Óttast mikið tjón
Pressan
Fyrir 2 dögum

Fæturnir höggnir af hvolpi og hann skilinn eftir hjálparlaus

Fæturnir höggnir af hvolpi og hann skilinn eftir hjálparlaus
Pressan
Fyrir 2 dögum

Skotinn til bana á götu úti í Kaupmannahöfn

Skotinn til bana á götu úti í Kaupmannahöfn