Aðeins sex dögum síðar fór lögreglan að heimili fjölskyldunnar til að kanna ástandið á heimilinu. Vinnuveitandi fjölskylduföðursins hafði sett sig í samband við lögregluna og lýst yfir áhyggjum sínum þar sem faðirinn hafði ekki skilað sér til vinnu. Á heimilinu fann lögreglan foreldrana og dæturnar tvær og voru þau öll látin. Lögreglan fann kveðjubréf frá foreldrunum þar sem kom fram að þau hafi ákveðið að taka eigin líf og myrða dæturnar þar sem lífsgæði stúlknanna væru lítil sem engin vegna veikinda þeirra.
Dæturnar fengu heimakennslu vegna veikinda sinna. Kennarar komu heim og kenndu þeim þrjá og fjóra daga í viku.
Expressen segir að lögreglan viti ekki enn hvernig dæturnar létust eða hvenær en málið er enn til rannsóknar og beðið er eftir niðurstöðum rannsóknar réttarmeinafræðinga. Þetta getur skipt miklu varðandi erfðamál þar sem dánarstund getur ráðið miklu um hver erfir þann látna. En í þessu máli telur skiptastjóri dánarbúsins að það skipti ekki máli en hann gengur út frá því að fjölskyldan hafi látist á sama tíma.
Í erfðaskránni ánafnaði fjölskyldufaðirinn ákveðnum aðila réttinum að bók sem hann hafði lokið við að skrifa. Einnig eru nákvæmar leiðbeiningar um hvernig eigum þeirra skuli skipt á milli ættingja þeirra. Eins og fyrr sagði eru dæturnar ekki nefndar í erfðaskránni. Þetta virðist ekki hafa vakið neinar grunsemdir hjá hjónunum sem vottuðu erfðaskrána. Expressen hafði samband við konuna sem vottaði erfðaskrána en hún vildi ekki tjá sig um málið.