Ítalska lögreglan handtók nýlega hinn 35 ára Claudio Pinti en hann er grunaður um að hafa smitað 200 manns af HIV. Hann greindist með HIV fyrir 11 árum en lét það ekki stöðva sig í að stunda óvarið kynlíf með fjölda manns og hann upplýsti rekkjunauta sína ekki um sjúkdóminn segir lögreglan. Lögreglan hefur farið mjög óvenjulega leið í þessu máli því hún hefur nú opinberlega birt mynd af Pinti þrátt fyrir að hann hafi verið handtekinn. Það er gert til að reyna að fá þá sem hafa stundað kynlíf með honum til að gefa sig fram.

Dpa segir að Pinti hafi neitað að vita nokkuð um HIV þegar hann var handtekinn. Ef HIV er ekki meðhöndlað læknisfræðilega getur það leitt til AIDS-smits sem getur dregið fólk til dauða.

Lögreglan í Ancona segir að Pinti hafi verið iðinn við að nota stefnumótasíður til að finna rekkjunauta. Hann var handtekinn eftir að kona, sem hann stundaði kynlíf með nýlega, var lögð inn á sjúkrahús vegna veikinda. Hún greindist þá með HIV.

Í kjölfarið hafa fleiri sett sig í samband við lögregluna og skýrt frá samneyti sínu við Pinti. Talsmaður lögreglunnar sagði erfitt að ná til margra því fólk skammist sín.

Alþjóðaheilbrigðismálastofnunin segir að ein milljóna manna hafi látið lífið af völdum AIDS 2016. Lífslíkur smitaðra eru þó mun betri í dag en áður þar sem meðferðarúrræðum hefur hent fram.

Á síðasta ári var maður dæmdur í 24 ára fangelsi í svipuðu máli en hann hafði smitað 30 manns af HIV. Þar á meðal barnshafandi konu en smitið barst til barnsins sem hún bar undir belti.