Tveir menn til viðbótar, 21 og 22 ára, voru handteknir á laugardaginn en þeir eru grunaðir um að hafa ætlað að ráðast á samkynhneigða. Lögreglan er sögð hafa komist á snoðir um ráðagerð mannanna fyrir nokkrum vikum og hafi fylgst með þeim síðan. Þeir voru handteknir í Seine-et-Marne héraðinu. Þeir eru sagðir hafa ætlað að fremja hryðjuverk í nafni hryðjuverkasamtakanna sem kenna sig við Íslamska ríkið. Við húsleit hjá mönnunum fundust hnífar, kveikjur og áróðursefni frá Íslamska ríkinu. Annar mannanna var einnig að reyna að útvega þeim skotvopn.
Frönsk stjórnvöld segja að komið hafi verið í veg fyrir 51 hryðjuverkaárás í landinu síðan í janúar 2015.