Lögreglan kom fljótt á staðinn enda er lögreglustöð skammt frá. Þá voru árásarmennirnir flúnir af vettvangi. Vitni sáu dökkum bíl ekið mjög greitt á brott. Önnur vitni segja að bílnum hafi verið lagt fyrir utan kaffihúsið og þegar hópur manna gekk þaðan út hafi maður stigið út úr bílnum og skotið á þá.
Sænskir fjölmiðlar segja að mörgum skotum hafi verið skotið og hafi virst sem sjálfvirkt skotvopn hafi verið notað við ódæðisverkið.
Expressen hefur eftir Jonatan Burhoff, sem býr nærri kaffihúsinu, að hinir særðu hafi verið settir inn í tvo einkabíla og sjúkrabíla og fluttir á brott.
”Þetta líktist aftöku, þeir slepptu aldrei gikknum.”
Sagði hann.
Lögreglan segir að ekki hafi verið um hryðjuverk að ræða. Að öllum líkindum á árásin rætur að rekja til átaka glæpagengja í borginni en mörg morð og sprengjutilræði hafa verið gerð í borginni undanfarna mánuði.
Lögreglan hefur litlar upplýsingar í málinu og hefur biðlað til almennings og hvetur fólk til að gefa sig fram ef það hefur einhverjar upplýsingar um málið.
Uppfært klukkan 07:00
Sænska lögreglan upplýsti fyrir stundu að þriðji maðurinn, um tvítugt, hafi látist í nótt af völdum sára sinna.