Pressan

Frontex segir að Spánn geti orðið aðal áfangastaður innflytjenda

Kristján Kristjánsson
Mánudaginn 9. júlí 2018 17:00

Sýrlenskir flóttamenn. Mynd:Wikimedia Commons/ Mstyslav Chernov

Samkvæmt tölum frá IOM, alþjóðleg stofnun sem fylgist með málefnum flóttamanna og  innflytjenda, komu 6.513 flóttamenn og innflytjendur til Spánar á fyrri árshelmingi síðasta árs. Í júní á þessu ári voru þeir 6.000. Stofnunin segir að því megi búast við að Spánn verði aðal áfangastaður flóttamanna og innflytjenda á næstunni.

Fabrice Leggeri, forstjóri Frontex (sem er landamærastofnun ESB), sagði í samtali við þýska blaðið Welt am Sonntag að ef hann væri spurður hvað væri að valda honum mestum áhyggjum þessa dagana þá væri svarið Spánn. Hann sagði að leiðin frá Marokkó til Spánar væri að verða vinsælasta leiðin hjá þeim sem vilja komast frá Afríku til Evrópu.

Á síðasta ári komu um 22.000 flóttamenn þessa leið eða um þrefalt fleiri en 2016 og þeim hefur haldið áfram að fjölga það sem af er þessu ári. Fram að þessu hafa flestir komið til Ítalíu og Grikklands yfir Miðjarðarhafið en meiri gæsla er nú á hafinu á þessum slóðum og því hafa smyglarar fært sig vestur til Marokkó.

Nú starfa um 1.300 landamæraverðir á vegum Frontex en nýlega lagði framkvæmdastjórn ESB til að þeim verði fjölgað í 10.000 fyrir 2027. Jean-Claude Juncker, formaður framkvæmdastjórnarinnar, vill nú hraða þessu þannig að landamæraverðirnir verði orðnir 10.000 eftir tvö ár. Hann vill einnig auka heimildir Frontex þannig að stofnunin geti starfað nánar með ríkjum utan ESB.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 13 klukkutímum

Sjáðu myndbandið: Svona er hægt að sleppa við að borga fyrir aukatösku eða handfarangur

Sjáðu myndbandið: Svona er hægt að sleppa við að borga fyrir aukatösku eða handfarangur
Pressan
Fyrir 2 dögum

Dularfullt hljóð truflaði kennarana dag og nótt – Áttu ekki orð þegar þeir fundu upptök þess

Dularfullt hljóð truflaði kennarana dag og nótt – Áttu ekki orð þegar þeir fundu upptök þess
Pressan
Fyrir 2 dögum

„Innkaupakerrumaðurinn“ er nýjasta þjóðhetja Ástrala – „Ég vildi bara gera eitthvað rétt í fyrsta sinn í lífinu“

„Innkaupakerrumaðurinn“ er nýjasta þjóðhetja Ástrala – „Ég vildi bara gera eitthvað rétt í fyrsta sinn í lífinu“