Snarráður nágranni kom í veg fyrir manntjón og stórbruna í Mou á Norður-Jótlandi í Danmörku á sunnudaginn. Maðurinn sá þá að blindur nágranni hans, sem er á níræðialdri, var að skera olíutunnu með slípirokk og að neistar höfðu kveikt eld í fatnaði mannsins. Nágranninn árvökuli hljóp strax yfir í til gamla mannsins og slökkti eldinn í fatnaði hans.

En þar með var hremmingunum ekki lokið að sögn Nordjyske. Nágranninn sáð að eldur hafði kviknað út frá neistum sem höfðu borist í skraufaþurrt grasið í garðinum en varla hefur komið deigur dropi úr lofti í Danmörku í um tvo mánuði svo gróður er skraufaþurr. Nágranninn hringdi því í slökkviliðið.

Slökkviliðið mætti á vettvang með 14 menn sem slökktu eldinn. Þegar þeir höfðu rétt lokið við að slökkva gaus upp eldur í um 50 metra fjarlægð en þar brann pappi. Þegar búið var að slökkva þann eld fengu slökkviliðsmennirnir sér að drekka en voru varla byrjaðir að bergja á veigunum þegar eldur gaus upp um 20 metra frá þeim.

Það tók þá þrjár og hálfa klukkustund að ráða niðurlögum allra eldanna. Gamli maðurinn meiddist ekki alvarlega.