Nú er búið að bjarga níu úr hellinum í Taílandi. Taílensk yfirvöld staðfestu fyrir stundu að níundi strákurinn hafi komið út úr hellinum fyrir stundu. Hann var fluttur rakleiðis á sjúkrahús.

Ekki er vitað hvort búið er að bjarga þjálfara strákanna úr hellinum, yfirvöld hafa ekkert gefið upp um það hverjum hefur verið bjargað. Fjórir eru þá enn inni í hellinum en stefnt er á að bjarga þeim öllum út í dag.

Uppfært klukkan 09:36

Sky segir að nú sé búið að bjarga tíu út úr hellinum. Rétt áðan hafi sá tíundi verið borin út og fluttur rakleiðis á sjúkrahús.

Uppfært klukkan 10:15

Rétt í þessu var verið að bera 11 strákinn út úr hellinum að sögn Sky.