Sex ökumenn voru handteknir á höfuðborgarsvæðinu í gærkvöldi og nótt en þeir eru allir grunaðir um akstur undir áhrifum fíkniefna og/eða áfengis. Tveir þeirra reyndust vera sviptir ökuréttindum og einn hefur ekki öðlast slík réttindi. Tveir þeirra óku einnig gegn rauðu ljósi.
Snemma í gærkvöldi var maður handtekinn við Skútuvog en hann er grunaður um eignaspjöll. Maðurinn var í annarlegu ástandi og var vistaður í fangageymslu.