Pressan

Novichok taugaeitrið getur verið virkt í 50 ár – Var notað í Salisbury og Amesbury

Kristján Kristjánsson
Miðvikudaginn 11. júlí 2018 22:30

Yulia Skripal slapp lifandi frá morðtilræðinu.

Taugaeitrið Novichok getur verið virkt í allt að 50 ár. Eitrið var notað til að eitra fyrir rússneska njósnaranum Sergei Skripal í mars en auk hans varð dóttir hans, Yulia, fyrir eitrinu. Þau lifðu morðtilræðið af. Nýlega urðu karl og kona fyrir smiti af þessu sama eitri og er talið að þau hafi komist í snertingu við hlut, sem eitrið var á, í Salisbury eða Amesbury. Hlut sem eitur var hugsanlega sett á þegar eitrað var fyrir Skripalfeðginunum.

Neil Basu, yfirmaður hryðjuverkadeildar Lundúnalögreglunnar, sagði á borgarafundi í Amesbury að eitrið geti verið virkt í allt að 50 ár að sögn sérfræðinga. Það væri ekki hættulegt ef það væri geymt í lokuðum umbúðum. Hann sagði að lögreglan væri í raun að leita að nál í heystakk núna þegar leitað væri að eitrinu.

Dawn Sturgess, 44 ára, lést af völdum eitursins i vikunni og unnusti hennar, Charlie Rowley, er enn á sjúkrahúsi og er ástand hans sagt alvarlegt. Lögreglan getur ekki enn sagt með fullri vissu hvort málin tengist en Basu sagði á fundinum að miðað við hversu sjaldgæft þetta eitur er og að það sé bannað af alþjóðasamfélaginu þá séu vægast sagt litlar líkur á að tvö mál, þar sem þetta eitur kemur við sögu, komi upp í fámennri enskri sýslu án þess að þau tengist.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Sagan bræddi hjörtu milljóna: Nú er talið að þetta hafi allt verið eitt stórt svindl

Sagan bræddi hjörtu milljóna: Nú er talið að þetta hafi allt verið eitt stórt svindl
Pressan
Fyrir 2 dögum

Fimm eiga yfir höfði sér dauðadóm vegna morðsins á Khashoggi

Fimm eiga yfir höfði sér dauðadóm vegna morðsins á Khashoggi
Pressan
Fyrir 2 dögum

Ódýrari matur, leikföng og raftæki og aukinn kaupmáttur – Þetta búa nágrannar okkar við

Ódýrari matur, leikföng og raftæki og aukinn kaupmáttur – Þetta búa nágrannar okkar við
Pressan
Fyrir 2 dögum

Léttist um 50 kíló – „Vildi að ég hefði vitað af þessum gildrum“

Léttist um 50 kíló – „Vildi að ég hefði vitað af þessum gildrum“
Pressan
Fyrir 2 dögum

Mikil fjölgun hatursglæpa í Bandaríkjunum

Mikil fjölgun hatursglæpa í Bandaríkjunum
Pressan
Fyrir 3 dögum

Draugabáta rekur í tugatali upp á japanskar strendur

Draugabáta rekur í tugatali upp á japanskar strendur