Pressan

Danskir vísindamenn hafa þróað bóluefni gegn berklum

Kristján Kristjánsson
Fimmtudaginn 12. júlí 2018 18:29

Dönskum vísindamönnum hefur tekist að þróa bóluefni gegn berklum. Miklar vonir eru bundnar við bóluefnið þar sem það veitir einnig vörn gegn ónæmu berklaafbrigði sem hefur sótt mikið á undanfarin ár. Þetta er fyrsta bóluefnið gegn berklum sem kemur fram á sjónarsviðið í 100 ár eða síðan Calmette-bóluefnið var þróað.

Það eru vísindamenn hjá Statens Serum Institut sem hafa unnið að þróun bóluefnisins með þessum góða árangri. Talið er að þegar búið verður að fullþróa bóluefnið muni það gagnast við enn áhrifaríkari baráttu gegn þeim vágesti sem berklar eru. Um þriðjungur jarðarbúa er smitaður af berklum og um 1,7 milljónir láta lífið af völdum þeirra árlega.

Vísindamenn um allan heim hafa reynt að þróa bóluefni við berklum árum saman því Calmette-bóluefnið gagnast aðallega hjá börnum og áhrif þess dvína með árunum þannig að það veitir fullorðnum ekki lengur vernd.

Nú hefur dönsku vísindamönnunum tekist að yfirfæra góðan árangur af tilraunum með bóluefnið á músum yfir í tilraunir á fólki en tilraunir voru gerðar á 1.000 manns í Suður-Afríku.

Jótlandspósturinn segir að vonir standi til að bóluefnið verði tilbúið til notkunar eftir fimm til átta ár. Næsta skref í þróun þess er að gera tilraunir með þróaðri gerð þess en hingað til á fólki.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 2 dögum

Sagan bræddi hjörtu milljóna: Nú er talið að þetta hafi allt verið eitt stórt svindl

Sagan bræddi hjörtu milljóna: Nú er talið að þetta hafi allt verið eitt stórt svindl
Pressan
Fyrir 2 dögum

Fimm eiga yfir höfði sér dauðadóm vegna morðsins á Khashoggi

Fimm eiga yfir höfði sér dauðadóm vegna morðsins á Khashoggi
Pressan
Fyrir 2 dögum

Ódýrari matur, leikföng og raftæki og aukinn kaupmáttur – Þetta búa nágrannar okkar við

Ódýrari matur, leikföng og raftæki og aukinn kaupmáttur – Þetta búa nágrannar okkar við
Pressan
Fyrir 2 dögum

Léttist um 50 kíló – „Vildi að ég hefði vitað af þessum gildrum“

Léttist um 50 kíló – „Vildi að ég hefði vitað af þessum gildrum“
Pressan
Fyrir 3 dögum

Mikil fjölgun hatursglæpa í Bandaríkjunum

Mikil fjölgun hatursglæpa í Bandaríkjunum
Pressan
Fyrir 3 dögum

Draugabáta rekur í tugatali upp á japanskar strendur

Draugabáta rekur í tugatali upp á japanskar strendur