23 slösuðust í gær þegar sprenging varð í hraunstraumi á Big Island á Hawaii en við sprenginguna flaug hraun í allar áttir. Hraun lenti meðal annars á báti, sem var með ferðamenn í útsýnisferð, og fór í gegnum þak hans og lenti á farþegum.

Þetta kemur fram í tilkynningu frá yfirvöldum á eyjunni. Fram kemur að ung kona hafi slasast alvarlega en hún lærbrotnaði meðal annars. Þrír til viðbótar voru lagðir inn á sjúkrahús en hinir 19 fengu aðhlynningu vegna minniháttar meiðsla.

Kilauea eldfjallið á Big Island hefur nú gosið í nokkrar vikur og hefur hraun runnið fram í sjó og myndað „litla eyju“ eins og sjá má á myndinni hér fyrir neðan.