Pressan

Stjórnmálakona hrindir herferðinni #Over10 úr vör – Segist hafa stundað kynlíf með rúmlega 100 karlmönnum og það sé ekkert til að skammast sín fyrir

Kristján Kristjánsson
Mánudaginn 30. júlí 2018 07:37

Ungar konur eiga ekki að skammast sín fyrir fjölda rekkjunauta. Um þetta snýst herferðin #Over10 sem danska stjórnmálakonan Anahita Malakians, sem er í Venstre, hefur hrint úr vör. Malakians er 35 ára, af írönskum ættum. Hún hefur verið í framboði til þings og stefnir á framboð í næstu kosningum. Hún vill breyta skoðunum samfélagsins á hvað kynfrelsi kvenna þýðir. Á Facebooksíðu sinni segir hún opinskátt frá kynlífsreynslu sinni og upplýsir meðal annars að hún hafi stundað kynlíf með rúmlega 100 karlmönnum.

Ástæðan fyrir þessum skrifum hennar og herferð er skýrsla frá danska jafnréttismálaráðuneytinu frá því í byrjun júlí. Í henni kemur fram að „stúlkur með reynslu á kynlífssviðinu sem eiga marga rekkjunauta upplifi fordæmingar og smánun á meðan piltar séu hylltir fyrir þetta sama“.

„Ég varð hissa á að smánun á konum væri svo stórt vandamál. Bæði kynin stunda jú jafn mikið kynlíf en það eru enn fordómar vegna fjölda rekkjunauta kvenna. Ég ræddi við ungar stúlkur um þetta og þegar ég sagði þeim hversu mörgum ég hef stundað kynlíf með fannst þeim það ekki svo klikkað. Það er mikilvægt að konur af minni kynslóð stígi fram og segi að það sé ekkert óeðlilegt við að eiga marga rekkjunauta.“

Malakians telur að það sé mikið vandamál að ungar konur eru oft mjög fordómafullar í garð vinkvenna sinna sem eru mjög virkar í kynlífi.

„Sumt af því sem ég upplifi er að það eru oft vinir og kunningjar kvenna sem eru með mestu fordómana. Sú mynd að karlar séu í fararbroddi hvað varðar smánun á konum hefur kannski breyst og það er mikilvægt að konur smáni ekki hver aðra.“

Sagði hún í samtali við Ekstra Bladet.

Blendnar viðtökur

Flestir þeir sem hafa tjáð sig um skrif Malakians taka þeim vel og styðja við baráttu hennar. En hreinskilni hennar um eigið líf hefur einnig kallað fram neikvæð viðbrögð en hún hefur ekki miklar áhyggjur af þeim.

„Ég átti von á þeim en á hinn bóginn er ég hissa á hversu margar jákvæðar athugasemdir hafa komið. Þær eru flestar frá körlum. En ég hef alltaf verið mjög yfirlætislaus og er sama um fólk sem gagnrýnir mig persónulega. Ef það gagnrýnir innihald þess sem ég segi tek ég umræðuna við það en ef það ræðst á mig persónulega fá þau góðan skammt af húmor á móti.“

Hún segir að hreinskilni hennar hafi þó valdið ákveðnum vandræðum:

„Þetta er auðvitað ekki mjög gott fyrir stefnumótalíf mitt. Nú þegar hafa kennsl verið borin á mig á Tinder og það er líklegast ekki besta leiðin að hefja samtal ef einhver spyr hvort hann eigi að vera númer 101.“

Sagði hún létt í bragði við Ekstra Bladet.

Athugasemd Torben við skrif Malakians.

Einn þeirra sem hefur tjáð sig á neikvæðan hátt um skrif Malakians er Torben Haugaard sem sagði að frásagnir hennar af kynlífi sínu minntu hann ókeypis vændisstarfsemi. Hann telur að það komi engum við hversu mörgum fólk hefur stundað kynlíf með.

„Það er ekki hægt að ætlast til að við séum öll sátt við brókarsótt Anahitas. Afstaða okkar til kynlífs er mjög einstaklingsbundin og ekki síst einkamál.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Stefán Karl er látinn

Ekki missa af

Pressan
Fyrir 18 klukkutímum

Fangaverði vikið frá störfum – Virðist eiga í ástarsambandi við kafbátsmorðingjann Peter Madsen

Fangaverði vikið frá störfum – Virðist eiga í ástarsambandi við kafbátsmorðingjann Peter Madsen
Pressan
Fyrir 19 klukkutímum

Trump óttast að ganga í gildru ef Mueller fær að yfirheyra hann

Trump óttast að ganga í gildru ef Mueller fær að yfirheyra hann
Pressan
Í gær

Hver er konan? Lík hennar fannst á sorphaugum

Hver er konan? Lík hennar fannst á sorphaugum
Pressan
Í gær

17 ára piltur stunginn til bana við skóla í Uppsölum

17 ára piltur stunginn til bana við skóla í Uppsölum
Pressan
Fyrir 4 dögum

Rifu óvart friðaða brú frá átjándu öld – Nú á að endurbyggja hana

Rifu óvart friðaða brú frá átjándu öld – Nú á að endurbyggja hana
Pressan
Fyrir 4 dögum

Alvarlegt rútuslys í Þýskalandi – Rúta á leið frá Stokkhólmi til Berlínar lenti utan vegar – 65 um borð

Alvarlegt rútuslys í Þýskalandi – Rúta á leið frá Stokkhólmi til Berlínar lenti utan vegar – 65 um borð