Breska veðurstofan, The Met Office, spáir þessum gríðarlega mikla hita í dag. Veðurstofan varar fólk við þessum mikla hita og ráðleggur því að halda sig fjarri sólinni. Það á sérstaklega við um eldra fólk og lítil börn. Þeir sem sjá sig tilknúna til að baða sig í sólarljósi eru hvattir til að nota sólarvörn og gæta þess að drekka nægilega mikið.
Hæsti hiti sem mælst hefur á Spáni er 47,3 gráður og í Portúgal 47,4 gráður. Þessi met geta því fallið í dag og það örugglega.
Það er syðst á Spáni og í Algarve og inn til landsins í Portúgal sem hitinn getur hugsanlega farið yfir 48 gráður. Um helgina bætir hugsanlega í hitann og getur hann jafnvel farið yfir 50 gráður og sumar spár segja að hann geti farið í allt að 51 gráðu.