fbpx
Miðvikudagur 19.desember 2018
Pressan

Á Þýskaland að vera kjarnorkuveldi? – Áleitin spurning sækir á Þjóðverja

Kristján Kristjánsson
Föstudaginn 3. ágúst 2018 19:00

Kjarnorkusprengja hefur væntanlega ekki góð áhrif á gufuhvolfið Mynd:Wikimedia Commons.

Í kjölfar þess að Donald Trump, Bandaríkjaforseti, vill ekki með afgerandi hætti ábyrgjast að Bandaríkin tryggi hernaðarlegt öryggi Evrópu hefur áleitin spurning um hvort Þýskaland eigi að vera kjarnorkuveldi leitað á Þjóðverja. Fyrir ekki svo löngu hefði verið óhugsandi að þessari spurningu yrði velt upp en á sunnudaginn var málinu velt upp í grein í dagblaðinu Die Welt í grein sem Christian Hacke, einn virtasti stjórnmálafræðingur landsins, skrifaði.

Í greininni færði hann rök fyrir að svarið við spurningunni væri já þar sem Þýskaland væri nú helsti óvinur forseta Bandaríkjanna. Af þessum sökum þurfi að styrkja öryggismál landsins.

„Í verstu tilfellum verður Þýskaland að treysta á sjálft sig,“ segir hann og veltir í framhaldi af því upp spruningunni um kjarnorkuvopn.

„Áður gat Þýskaland látið eiga sig að ráða yfir gjöreyðingarvopnum því öryggi landsins var tryggt af öðrum. Það er ekki víst að það eigi við í dag.“

Hacke segir að þýskir stjórnmálamenn séu þó hlynntari sameiginlegum evrópskum kjarnorkuvörnum. Annar möguleiki væri að fá annaðhvort Frakkland eða Bretland, sem bæði ráða yfir kjarnorkuvopnum, til að ábyrgjast varnir Þýskalands. Hann segir að hugmyndir sem þessar séu ekkert annað en draumórar.

Wolfgang Ischinger, fyrrum sendiherra Þýskalands í Bretlandi og Bandaríkjunum og formaður öryggisráðstefnunnar í München svaraði grein Hacke í Die Welt í gær. Þar varaði hann við hugmyndum Hacke þar sem Þýskaland hafi margoft afsalað sér rétti til að eiga kjarnorkuvopn. Ef það loforð verði brotið muni það skaða alþjóðlegan orðstýr Þýskalands. Hann bendir einnig á að ef Þjóðverjar koma sér upp kjarnorkuvopnum muni önnur ríki væntanlega fylgja í kjölfarið og nefnir þar til sögunnar Pólland og Tyrkland. Þetta muni á endanum raska valdajafnvæginu í Evrópu svo mikið að Rússar muni sjá sig tilneydda til að auka hernaðarmátt sinn til að geta mætt þeirri ógn sem Þýskaland verði orðið. Hann vill að Þjóðverjar sætti sig við að vera háðir Bandaríkjunum um varnir landsins næstu 10-15 árin en eigi samtímis að auka útgjöld til varnarmála til að vera teknir alvarlega í Washington.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Engin miskunn hjá dönskum dómstólum – Dæmdur í 20 ára fangelsi og vísað úr landi fyrir morðtilraun

Engin miskunn hjá dönskum dómstólum – Dæmdur í 20 ára fangelsi og vísað úr landi fyrir morðtilraun
Pressan
Í gær

„Lína Langsokkur“ skýrir frá leyndarmálinu eftir 50 ár – „Hann meig á mig“

„Lína Langsokkur“ skýrir frá leyndarmálinu eftir 50 ár – „Hann meig á mig“
Pressan
Í gær

Mikill fjöldi dæmdra hryðjuverkamanna losnar fljótlega úr evrópskum fangelsum

Mikill fjöldi dæmdra hryðjuverkamanna losnar fljótlega úr evrópskum fangelsum
Pressan
Í gær

Sænskur prófessor bjargaði nemanda sínum úr klóm ISIS

Sænskur prófessor bjargaði nemanda sínum úr klóm ISIS
Pressan
Fyrir 2 dögum

Rússneskt hátæknivélmenni var ekki allt þar sem það var séð

Rússneskt hátæknivélmenni var ekki allt þar sem það var séð
Pressan
Fyrir 2 dögum

Jonathan hætti lífi sínu til að skrifa þetta- „Ég hugsa um hana á hverjum degi“

Jonathan hætti lífi sínu til að skrifa þetta- „Ég hugsa um hana á hverjum degi“
Pressan
Fyrir 2 dögum

„Hendum skítnum beint í ruslið“ – Dönsk nýnasistasamtök dreifa áróðri

„Hendum skítnum beint í ruslið“ – Dönsk nýnasistasamtök dreifa áróðri
Pressan
Fyrir 2 dögum

Þetta er nú hættulegasta fíkniefni Bandaríkjanna

Þetta er nú hættulegasta fíkniefni Bandaríkjanna