Pressan

Fernt varð fyrir eldingum í Finnlandi og Svíþjóð – Þrennt lést

Kristján Kristjánsson
Sunnudaginn 5. ágúst 2018 10:30

Tveir finnskir bræður létust á föstudagskvöldið eftir að hafa orðið fyrir eldingu. Í Svíþjóð lést kona á föstudaginn eftir að hafa orðið fyrir eldingu og önnur liggur á sjúkrahúsi í lífshættu. Tugum þúsunda eldinga sló niður í löndunum tveimur á fimmtudag og föstudag. Í Finnlandi einu voru eldingarnar 54.000.

Finnsku bræðurnir, sem voru á sjötugsaldri, fundust látnir nærri tré. Tréð var skemmt eftir eldingu og telur lögreglan að bræðurnir hafi verið nærri trénu þegar eldingu sló niður í það. Hún hafi verið svo öflug að þeir hafi látist samstundis.

Í Svíþjóð fóru tvær konur í göngutúr á föstudagsmorguninn en sneru ekki aftur. Þær fundust liggjandi á jörðinni þegar leit var hafin að þeim. Önnur þeirra, á fimmtugsaldri, var meðvitundarlaus og var flutt á sjúkrahús þar sem hún liggur nú í lífshættu. Hin konan, á sextugsaldri, var látin þegar að var komið segir í frétt Sænska ríkisútvarpsins.

Í Finnlandi laust um 54.000 eldingum niður á fimmtudag og föstudag að sögn veðurfræðinga.

Líkurnar á að verða fyrir eldingu eru ekki miklar. Í Finnlandi deyr að meðaltali ein manneskja annað hvert ár af völdum eldinga. Í Noregi eru líkurnar á að verða fyrir eldingu taldar vera 0,0007 prósent.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Fyrir 23 klukkutímum

Unglingur skotinn í Uppsölum

Unglingur skotinn í Uppsölum
Pressan
Í gær

Marsbíll NASA er týndur

Marsbíll NASA er týndur
Pressan
Fyrir 2 dögum

Donald Trump vill hringja í þjóðarleiðtoga á undarlegustu tímum – Áttar sig ekki á hvað tímabelti eru

Donald Trump vill hringja í þjóðarleiðtoga á undarlegustu tímum – Áttar sig ekki á hvað tímabelti eru
Pressan
Fyrir 2 dögum

Leiðtogar Suður- og Norður-Kóreu funda í september – Mikil þíða í samskiptum ríkjanna

Leiðtogar Suður- og Norður-Kóreu funda í september – Mikil þíða í samskiptum ríkjanna