Talsverð ölvun var í Herjólfsdal og á Akureyri í nótt og hafði lögreglan í nægu að snúast vegna þessa. Þó voru engin stórvægileg vandræði. Á Akureyri gista þrír fangageymslur eftir nóttina, tveir þeirra vegna rannsóknar á líkamsárásarmálum. Lágskýjað er á Akureyri og þurrt.

RÚV skýrir frá þessu. Í Vestmannaeyjum gista fimm fangageymslur, allt vegna ölvunarmála. 13 fíkniefnamál komu upp. Gott veður var í Eyjum í nótt en rétt er að minna á að Veðurstofan hefur gefið út gula viðvörun vegna hvassviðris á Suðurlandi í dag.

Evrópumeistaramótið í Mýrarbolta fer fram í Bolungarvík um helgina og þar fór allt vel fram. Þar er nú heiðskírt og blankalogn.