fbpx
Miðvikudagur 19.desember 2018
Pressan

Segir RÚV og Stöð 2 vera falsmiðla og Morgunblaðið á hraðferð í myrkur rétttrúnaðarins

Kristján Kristjánsson
Þriðjudaginn 7. ágúst 2018 06:55

Hallur Hallsson, sagnfræðingur, rithöfundur og fyrrum fréttamaður, skrifar grein í Morgunblaðið í dag þar sem hann fjallar um mál enska aðgerðarsinnans og blaðamannsins Tommy Robinson. Robinson var nýlega dæmdur í 13 mánaða fangelsi fyrir að flytja fréttir af réttarhöldum, yfir meintum múslimskum nauðgurum, fyrir utan dómhús í Leeds. Robinson var handtekinn, færður fyrir dómara, réttað yfir honum og málinu lokið á tæplega fimm klukkustundum. Nýlega hnekkti áfrýjunardómstóll dómnum og fann að málsmeðferðinni. Robinson var í kjölfarið látinn laus.

Í grein sinni segir Hallur að lesendur þekki væntanlega ekki mikið til Tommy Robinson enda hafi breskir falsmiðlar og íslenskir þaggað mál hans niður. Hann bendir á að íslenskir fjölmiðlar hafi ekki skýrt frá mótmælum um 50 manns fyrir utan breska sendiráðið í Reykjavík en þá var dómnum yfir Robinson mótmælt.

Hallur segir að BBC og Sky, falsmiðlar ríkjandi réttrúnaðar, hafi ekki verið hliðhollir alþýðumanninum Robinson í þessu máli.

„Maðurinn sem hefur tekið upp málstað alþýðufólks gegn miðaldamyrkri fjölmenningar fær ekki áheyrn breskrar pressu. Mál hans er neðanmál í Bretlandi. En þeim hefur ekki tekist að þagga niður breska alþýðurödd . . .“

Skrifar Hallur og heldur áfram:

„Stærsta skömm breskrar þjóðarsögu og Tommy Robinson stóð fyrir utan dómshúsið í Leeds til að varpa ljósi á glæpi gegn breskum konum og sérstaklega barnungum stúlkum sem undanfarin 40 ár hefur verið rænt vítt og breitt um Bretland af múslimum og þær dópaðar og svo svívirtar; svikin við allt að milljón konur og stúlkur eru fordæmalaus í sögu vestrænna þjóða og stærsta skömm breskrar þjóðarsögu. Félagsmálayfirvöld og lögregla hafa hylmt yfir þessa glæpi en The Sunday Times og Daily Mirror upplýst brot.“

Segir Hallur um málið og víkur síðan að íslenskum fjölmiðlum:

„Íslenskir falsmiðlar: RÚV og Stöð 2, hafa þagað um mál Tommy Robinson; þögðu þegar Tommy var dæmdur, þögðu þegar fólk safnaðist saman við sendiráðið og hafa þagað um lausn hans úr fangelsi. Ástandið er vont og versnar á þeim bæjum. Alvarlegt er að Morgunblaðið virðist á hraðferð í myrkur rétttrúnaðarins. Ritstjórinn í Hádegismóum hefur ekki frétt af máli Tommy Robinson í Bretlandi fremur en launráðum „Deep State“ Washington sem ritstjóri blaðsins hefur þó verið að vekja máls á – einn íslenskra blaðamanna en undirmenn hans þegja um!“

Og síðan víkur Hallur að framtíðinni og vestrænni valdastétt:

„Vestræn valdastétt; „diplómu-elíta-í-sparifötum“ hefur lagt undir sig ríkisstofnanir og fjölmiðla og stefnir á New World Order með opnum landamæru Open Society Foundations; endalokum þjóðríkisins, lýðræðis og vestrænnar siðmenningar. Í menntahroka sínum lítur þetta fólk niður á alþýðufólk og treður á réttindum þess; elítan kallar óbreytt diplómulaust alþýðufólk „deplorables“ eða hina fyrirlitlegu svo vitnað sé í konuna sem bandaríska þjóðin hafnaði.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Engin miskunn hjá dönskum dómstólum – Dæmdur í 20 ára fangelsi og vísað úr landi fyrir morðtilraun

Engin miskunn hjá dönskum dómstólum – Dæmdur í 20 ára fangelsi og vísað úr landi fyrir morðtilraun
Pressan
Í gær

„Lína Langsokkur“ skýrir frá leyndarmálinu eftir 50 ár – „Hann meig á mig“

„Lína Langsokkur“ skýrir frá leyndarmálinu eftir 50 ár – „Hann meig á mig“
Pressan
Í gær

Mikill fjöldi dæmdra hryðjuverkamanna losnar fljótlega úr evrópskum fangelsum

Mikill fjöldi dæmdra hryðjuverkamanna losnar fljótlega úr evrópskum fangelsum
Pressan
Í gær

Sænskur prófessor bjargaði nemanda sínum úr klóm ISIS

Sænskur prófessor bjargaði nemanda sínum úr klóm ISIS
Pressan
Fyrir 2 dögum

Rússneskt hátæknivélmenni var ekki allt þar sem það var séð

Rússneskt hátæknivélmenni var ekki allt þar sem það var séð
Pressan
Fyrir 2 dögum

Jonathan hætti lífi sínu til að skrifa þetta- „Ég hugsa um hana á hverjum degi“

Jonathan hætti lífi sínu til að skrifa þetta- „Ég hugsa um hana á hverjum degi“
Pressan
Fyrir 2 dögum

„Hendum skítnum beint í ruslið“ – Dönsk nýnasistasamtök dreifa áróðri

„Hendum skítnum beint í ruslið“ – Dönsk nýnasistasamtök dreifa áróðri
Pressan
Fyrir 2 dögum

Þetta er nú hættulegasta fíkniefni Bandaríkjanna

Þetta er nú hættulegasta fíkniefni Bandaríkjanna