Miklum verðmætum var stolið í ævintýralegum þjófnaði úr skartgripaverslun í nótt. Þjófurinn eða þjófarnir gerðu gat á þak verslunarmiðstöðvar og sigu niður í verslunina. Mikil verðmæti voru tekin úr versluninni og þjófurinn eða þjófarnir fóru sömu leið út.

Það var um klukkan tvö í nótt að þjófavarnarkerfi í skartgripaverslun í Valbo verslunarmiðstöðinn í Svíþjóð fór í gang. Lögreglan var komin á vettvang nokkrum mínútum síðar en þá var þjófurinn eða þjófarnir á bak og burt.

Aftonbladet hefur eftir talskonu lögreglunnar að miklum verðmætum hafi verið stolið úr versluninni. Enginn hefur verið handtekinn vegna málsins.