Þegar kona nokkur var á leið í háttinn í gærkvöldi á heimili sínu í Nykøbing Falster í Danmörku kom hún við í eldhúsinu. Þar mætti henni sjón sem hún átti enga von á að sjá í eldhúsinu sínu og var ekki annað að gera fyrir konuna en hringja í lögregluna.

Í eldhúsinu var 1,2 metra löng pytonslanga. Að vonum brá konunni illilega enda slöngur sem þessar ekki hluti af danskri náttúru. Þessi slanga, sem er græn konungspytonslanga, á ættir að rekja til Afríku.

Lögreglumenn komu konunni að sjálfsögðu til aðstoðar og tóku slönguna með sér. Hún er ekki talin hættuleg. Henni var komið í gæslu hjá starfsfólki Krokodille Zoo, sem er eins og nafnið bendir til krókódíla dýragarður, í Eskilstrup.

Lögreglan veit ekki hvaðan slangan kom en hefur lýst eftir eiganda hennar. Heimilt er að eiga slöngur sem þessar í Danmörku.