Hún var handtekin í mars eftir að upp komst að hún ætti í ástarsambandi við piltinn. Í samtali við Arizona Republic sögðu foreldrar piltsins að Zamora væri skrímsli. Pilturinn og Zamora sendu hvort öðru oft smáskilaboð. Í einum skilaboðanna frá piltinum sagðist hann vilja stunda kynlíf með henni aftur.
„Ég veit það elskan! Ég þrái þig stöðugt.“
Svaraði Zamora samkvæmt ákærunni.
Foreldrar piltsins byggja fjárkröfu sína á að skólinn hefði átt að komast að sambandi Zamora og piltsins miklu fyrr.
„Það eru raunveruleg skrímsli í þessum heimi. Við foreldrar segjum börnum okkar að skrímsli séu ekki til. En í hinu raunverulega lífi eru skrímsli til. Brittany Zamora er skrímsli.“
Hefur Arizona Republic eftir föður piltsins.
Skólafélgar piltsins gerðu starfsfólki skólans viðvart um málið í febrúar og þá þegar hófst rannsókn innanhúss á málinu en skólastjórinn segir að ekkert hafi komið fram í þeirri rannsókn sem benti til þess að pilturinn hefði verið beittur kynferðisofbeldi.
Brittany Zamora neitar sök í málinu en það verður tekið fyrir hjá dómstól í Arizona í nóvember.