Það voru Yougov og The Economist sem gerðu könnunina að sögn USA Today. 34 prósent aðspurðra sögðust trúa Daniels frekar en Trump en 30 prósent sögðust frekar trúa Trump.
Daniels hefur haldið því fram að Trump hafi greitt henni fyrir að skýra ekki frá sambandi þeirra sem á að hafa átt sér stað eftir að Trump kvæntist Melania. Lögmaður á snærum Trump á að hafa greitt Daniels 130.000 dollara í aðdraganda forsetakosninganna 2016 til að hún myndi ekki skýra frá sambandi þeirra.
Daniels birti þá mynd af sér og Trump og skýrði frá smáatriðum um kynlíf Trump í samtali við vikublað. Talsmenn forsetans hafa stöðugt haldið því fram að Daniels hafi fengið greitt til að koma í veg fyrir áralöng réttarhöld.
Afstaða þeirra sem tóku þátt í könnuninni ræðst þó töluvert af stjórnmálaskoðunum þeirra en 72 prósent repúblikana sögðust trúa Trump frekar en Daniels en hjá demókrötum sögðust 63 prósent frekar trúa Daniels. 1.500 manns tóku þátt í könnuninni.