Duane Youd, 47 ára gamall Bandaríkjamaður flaug tveggja hreyfla Cessna 525 flugvél í eigu vinnuveitanda síns á sitt eigið hús í gær, eingöngu nokkrum klukkutímum eftir að hafa verið handtekinn fyrir að ráðast á eiginkonu sína. Duane lést þegar flugvélin skall á húsið, en kona hans og barn voru inn í húsinu þegar flugvélinni var flogið á húsið. Kviknaði í húsinu en kona hans og barn komust óhult út úr því án þess að slasast alvarlega.
Yfirvöld telja að hann hafi viljandi flogið á sitt eigið hús, en Duane var reyndur flugmaður og er þetta ekki talið vera slys. David Youd var í apríl dæmdur fyrir heimilisofbeldi og samþykkti að fara í fjölskylduráðgjöf og hjónabandaráðgjöf í 6 mánuði samkvæmt samningi sem var gerður vegna dómsins sem hann fékk.
Er þetta í annað skiptið á örfáum dögum sem furðulegt flugslys á sér stað í Bandaríkjunum, en á föstudaginn síðastliðinn stal maður flugvél og fór í „skemmtiferð“ í um klukkutíma áður en hann brotlenti vélinni suðvestur af Tacoma í Bandaríkjunum.