Ungur maður sem er grunaður um aðild að íkveikjum í tugum bíla í Gautaborg í fyrrinótt var handtekinn í Tyrklandi í gær en sænska lögreglan lýsti eftir honum í gær. Maðurinn er 19 ára. Hann fór til Tyrklands í gær en komst ekki nema í landamæraeftirlitið þar sem hann var handtekinn.

Sænska lögreglan hefur tvo menn, 16 og 21 árs, í haldi vegna málanna en kveikt var í um 120 bílum í Gautaborg og nærliggjandi bæjum í fyrrinótt. Lögreglan telur að aðgerðir skemmdarvarganna hafi verið skipulagðar á samfélagsmiðlum.

Þess er vænst að maðurinn verði framseldur frá Tyrklandi í dag.