Notar þú augnlinsur og hefur týnt án þess að hugsa frekar út í hvað hafi orðið af þeim? Það var einmitt það sem gerðist fyrir 28 árum. Þá var 14 ára stúlka að spila badminton. Hún fékk bolta í augað og þá losnaði linsa í auganu. Stúlkan og móðir hennar héldu að linsan hefði dottið út og hugsuðu ekki frekar út í þetta. En nýlega, 28 árum síðar kom linsan í leitirnar. Hún hafði færst til í auganum og sat undir augnlokinu í öll þessi ár.

Þetta kemur fram á vef ScienceAlert þar sem vitnað er í grein í vísindaritinu British Medical Journal. Læknar segja að um mjög sérstakt tilfelli sé að ræða. Konan, sem er nú 42 ára, leitaði til læknis eftir að auga hennar hafði verið bólgið og slappt í sex mánuði. Læknar fundu sex millimetra blöðru í augnlokinu. Hún var fjarlægð með skurðaðgerð. Í aðgerðinni sprakk blaðran og þá kom augnlinsan í ljós.

Konan var furðu lostin því hún hafði ekki notað linsur í fjölda ára en móðir hennar rifjaði upp atvikið úr badmintontímanum 28 árum áður.

Læknar segja að tilfelli sem þetta séu mjög sjaldgæf og því þurfi fólk ekki að óttast þótt það hafi glatað linsum.