Það vakti kátínu og hlátrasköll heyrðust þegar Julio Salas, heilbrigðisráðherra Santa Marta borgar í Kólumbíu, kynnti ráðleggingar yfirvalda til íbúa borgarinnar vegna mikilla hita sem þar geisa þessa dagana. Hann ráðlagði fólki meðal annars að sleppa því að stunda kynlíf á meðan hitabylgjan gengur yfir.

Fram kom að ef fólk á erfitt með að hafa stjórn á kynhvötinni þá eigi það bíða þar til eftir sólsetur með að stunda kynlíf. Hitinn í borginni hefur verið um 40 gráður að undanförnum. Auk þessa ráðs var fólki ráðlagt að klæðast víðum fatnaði og drekka mikið af vatni.

Sky segir að samkvæmt frétt El Heraldo hafi Salas sagt að hann teldi rökrétt að fólk sleppti því að stunda kynlíf eins og það forðaðist erfiðisvinnu í svona miklum hita.

Bandarísku hjartaverndarsamtökin telja kynlíf vera „hóflega líkamlega áreynslu“ sem valdi álíka álagi á hjartað og það að ganga upp stiga í tveggja hæða húsi.