fbpx
Pressan

Þess vegna á ekki að sitja með krosslagða fætur

Ritstjórn Pressunnar
Laugardaginn 18. ágúst 2018 11:30

Hvernig er staðsetning fóta þinna núna? Situr þú kannski við skrifborð í vinnunni, ert í strætisvagni á leið heim eða jafnvel kominn heim? Ef svo er þá eru góðar líkur á að þú sitjir með krosslagða fætur en það er líklegast ekki mjög gott fyrir líkamann.

Að sitja með krosslagða fætur getur valdið því að taugar klemmist, æðahnútar geta myndast og einbeitingarerfiðleikar geta gert vart við sig. Þetta kemur fram í umfjöllun Jótlandspóstsins. Þar er haft eftir Jakob Hansen, sjúkraþjálfara, að það sé í sjálfu sér ekki vandamál að fólk sitji með krosslagða fætur heldur geti vandinn tengst því hversu oft fólk gerir það, hversu lengi og hversu einhliða. Það skipti máli hvort það sé alltaf sami fóturinn sem er lagður yfir hinn og hversu lengi þetta er gert hverju sinni.

Í umfjöllun Jótlandspóstsins kemur fram að þegar fólk situr með krosslagða fætur þá sitji það oft í afslappaðri stellingu en venulega og sígi því frekar niður í sætinu. Þá snúist mjaðmagrindin og aukið álag verði á líkamann. Með þessu aukist hættan á að taugar klemmist.

Það að sitja með krosslagða fætur og sú afslappaða stelling sem því fylgir veldur því að fólk á erfiðara með að anda því það hniprast saman og þá verður erfitt að ná góðum andardrætti niður í magann. Andardrátturinn skiptir miklu máli því heilinn og miðtaugakerfið hafa þörf fyrir eldsneyti og ef fólk venur sig á að sitja þannig að það nær andanum ekki nægilega vel þá hefur það áhrif, til dæmis á einbeitingu og heilastarfsemi.

Flestir eiga sér sinn uppáhalds fótlegg og hafa því tilhneigingu til að setja hann yfir hinn fótleginn. Þá er hætt við að fólk sitji í sömu stellingunni mjög lengi. Sjúkraþjálfarar, sem Jótlandspósturinn ræddi við, sögðu að fólk eigi því að breyta oft um stellingar.

Að sitja með krosslagða fætur getur einnig aukið hættuna á bólgum í fótum því það hefur neikvæð áhrif á blóðrásina.

Slæm blóðrás getur einnig aukið líkurnar á að fá æðahnúta.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Bandaríkjaher ætlar að auka umsvif sín á Grænlandi – Ríkisstjórnin sprungin

Bandaríkjaher ætlar að auka umsvif sín á Grænlandi – Ríkisstjórnin sprungin
Pressan
Í gær

Coca-Cola skoðar að setja kannabisdrykk á markað

Coca-Cola skoðar að setja kannabisdrykk á markað
Pressan
Fyrir 2 dögum

Vandræði varðandi útnefningu hæstaréttardómara í Bandaríkjunum – Brett Kavanaugh sakaður um kynferðisbrot

Vandræði varðandi útnefningu hæstaréttardómara í Bandaríkjunum – Brett Kavanaugh sakaður um kynferðisbrot
Pressan
Fyrir 2 dögum

56 morð á dag og 62.000 lögreglumenn vantar til starfa

56 morð á dag og 62.000 lögreglumenn vantar til starfa