fbpx
Pressan

Banna ríkum dómsdagsspámönnum að kaupa fasteignir á Nýja-Sjálandi

Kristján Kristjánsson
Mánudaginn 20. ágúst 2018 19:00

Frá Auckland. Mynd:Wikimedia Commons

Húsnæðisskortur, hækkandi fasteignaverð og fjölgun heimilislausra. Þetta er staðreynd á Nýja-Sjálandi og kennir Jacinda Ardern, forsætisráðherra, efnuðum dómsdagsspámönnum meðal annars um. Hún segir að þeir þrýsti verðinu á fasteignum upp.

Dómsdagsspámennirnir sem hún á við er fólk sem er þess fullvisst að einhverjar miklar hörmungar muni dynja yfir heiminn og kjósa að undirbúa sig undir þær hamfarir. Það er svo ansi misjafnt hvaða hamfarir þetta fólk óttast. Sumir óttast að loftsteinn skelli á jörðinni, aðrir að fjármálakerfið hrynji, aðrir að heimsfaraldur banvænna sjúkdóma herji á okkur mannkynið og enn aðrir óttast að til kjarnorkustríðs komi.

En þetta fólk á það sameiginlegt að undirbúa sig undir þessar yfirvofandi hörmungar með því að sanka að sér nauðsynjum á borð við mat og vatn og auðvitað skotvopnum og skotfærum. Þeir efnuðust úr þessum hópi hafa undanfarin ár keypt fasteignir og landareignir á Nýja-Sjálandi til að koma sér upp stað þar sem þeir telja sig nokkuð örugga enda er Nýja-Sjáland ekki beint í alfaraleið.

Í umfjöllun The Sydney Morning Herald kemur fram að meðal þeirra sem hafa keypt sér fasteignir á Nýja-Sjálandi í þessu skyni séu Peter Thiel, stofnandi PayPal, Reid Hoffmann, stofnandi LinkedIn, og Matt Lauer, fyrrum þáttastjórnandi hjá NBC.

Í miðborg Auckland, stærstu borgar Nýja-Sjálands, eru útlendingar um 19 prósent fasteignakaupenda. Flestir eru frá Kína, síðan koma Ástralir, Bretar og fólk frá Hong Kong.

Í kjölfar þess að Donald Trump var kjörinn forseti Bandaríkjanna hafa sífellt fleiri Bandaríkjamenn keypt sér fasteignir á Nýja-Sjálandi.

En nú hefur verið lokað á þetta með nýjum lögum sem voru samþykkt í síðustu viku. Samkvæmt þeim mega útlendingar ekki kaupa fasteignir eða jarðir. Þetta bann nær þó ekki til Ástrala og fólks frá Singapore. Þá mega útlendingar kaupa nýjar íbúðir í stórum fasteignaverkefnum og í fjölbýlishúsum en þetta þykja ekki spennandi kostir fyrir þá sem óttast dómsdag.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ekki missa af

Pressan
Í gær

Bandaríkjaher ætlar að auka umsvif sín á Grænlandi – Ríkisstjórnin sprungin

Bandaríkjaher ætlar að auka umsvif sín á Grænlandi – Ríkisstjórnin sprungin
Pressan
Í gær

Coca-Cola skoðar að setja kannabisdrykk á markað

Coca-Cola skoðar að setja kannabisdrykk á markað
Pressan
Fyrir 2 dögum

Vandræði varðandi útnefningu hæstaréttardómara í Bandaríkjunum – Brett Kavanaugh sakaður um kynferðisbrot

Vandræði varðandi útnefningu hæstaréttardómara í Bandaríkjunum – Brett Kavanaugh sakaður um kynferðisbrot
Pressan
Fyrir 2 dögum

56 morð á dag og 62.000 lögreglumenn vantar til starfa

56 morð á dag og 62.000 lögreglumenn vantar til starfa